立即捐款

毛言地

你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 網誌

生活

一箱手指餅,一段心酸嘅經歷

一箱手指餅,一段心酸嘅經歷
廣告

廣告

話說早兩日新聞報,有班上網買加熱煙煙彈嘅而比人走數人嘅苦主,企出來集體報警。睇到依件事,我即刻諗起月頭中同聚會時,Shawn哥同我呼吸時嘅一段對話。補充下背景資料先,Shawn哥人如其名,有幾分似Fishermanlok,兄弟之中佢算最醒目,由細到大識女仔都係靠佢做前鋒幫兄弟開路。而加係某大機構做工程師,都算得上人生勝利組。
 
「你話我食煙係咪就係抵死抵比人呃抵比人玩?」Shawn哥問。

「喂,亂講乜先,我都食喎。」我個心寒咗一寒,點解咁似啲人做傻事嘅前奏?

「我之前咪話搵到個農夫買加熱煙煙彈嘅,入左二千蚊數比佢,結果今日佢寄啲咁嘅嘢嚟。」佢喺公事包扔咗包嘉頓手指餅出來,仲要係橙味。

「你上啲網店買?仲要入數比人先?」「新聞都講唔少啦,要你比錢先再寄比你九成九都係伏。」估唔到好似Shawn哥咁Smart Ass 嘅人都會上當。

「我都知,但我上次去日本買嘅煙彈食哂,無彈急起上來咪⋯唉,一日最衰香港七仔無得買!」Shawn 哥手一啖清咗杯紅酒。

然後又幫自己斟返滿杯酒。「煙我就戒唔到架啦,女朋友唔鐘意煙味,我亦唔想影響到佢。難得依隻加熱煙冇二手煙冇味,我有我吸煙自由但又唔影響到人。點解日本韓國咁多地方都有得買,係偏偏香港無得買?點解明明有個對大家都好啲嘅選擇,但係我無得簡?點解香港人要呃香港人?係咪我食煙就唔配有抵死?」
 
講講下,佢又清左杯酒。其實Shawn哥嘅心情我都好明白,有啲人真係戒唔到煙,但又知道普通煙無論喺氣味同健康方面都會對身邊嘅人有好大影響,搞到每次食煙又要落樓又要搵風吹散自己啲煙味,

我默默咁打開自己個袋,將入面嗰兩包未開嘅煙彈獻比Shawn哥,叫佢食住先,唔好再信網上啲入數黨。

「我過兩個星期又飛日本,要幾多?到時幫你買埋。」

「盡多,我唔想為左無煙彈煩惱,記得全部幫我報關打稅,洗幾錢我比返你。」Shawn哥用堅定嘅眼神望住我講。
 
「我唔想為左無煙彈煩惱」唔止係Shawn哥,更加係香港咁位多加熱煙煙民嘅心願。

終有一日可以落七仔就買到煙彈,唔洗再收到手指餅,你可以話食煙嘅人抵死,早死早著,但加熱煙正正就係可以令非煙民免受二手煙之苦嘅一個方法,亦都係煙民喺戒唔到煙嘅情況下對大家最好嘅一個選擇。
 
食支煙,點解都要咁痛苦。
 
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
Medium:https://medium.com/@moyinday

廣告