港鐵昨日下午宣佈下月底加價3.14%。港鐵一邊話冇錢加價，但另一邊在大嶼山小蠔灣大塊地起中低密度豪宅攪地產項目。香港成日話冇地起公屋，佢就拎左成個現為港鐵車廠用地30公頃上蓋，規劃大綱將容許港鐵在車廠上蓋興建14,000個豪宅單位。假設一個單位賣1000萬俾港鐵賺3成，就會係420億既土地利益！
小蠔灣規劃大綱圖傍邊，對出60-80公頃既新填海區，最新既規劃係做數據中心、實驗室、高等教院同3,500個低密度豪宅，冇錯呀，成百幾公頃既新區係一間公屋居屋都冇，一間公屋居屋都冇呀！
政府在土地大辯論成日話填左個海係俾劏房5歲細路。大家唔該睇清楚個規劃啦，依家話要發展大灣區，小蠔灣隔離就係港珠澳大橋個落腳點，你估啲工作係咩人做，啲豪宅係俾咩人買呀？可以幾肯定成個大橋通車後將會變左境外專才區同埋物業炒家天堂，借你地香港人的居住慘況合理化俾港鐵起豪宅同填海俾境外專才。
港鐵去年利潤為105億，除了經常業務佔85億，值得留意的是當中19億來自地產收益，按年增2.6倍，小蠔灣車廠的發展真係成事，將會進一步為港鐵帶來龐大的土地利益。
小蠔灣港鐵個規劃正好低調咁在城規會申述，今日唔俾意見就冇機會啦！請大家踴躍網上提交申述，唔會俾港鐵略奪哂我地既土地資源呀。