立即捐款

東九龍社區關注組

東九龍社區關注組由一群網民於2014年年底成立,致力改善香港人生活質素,關注社區發展。 我們現正招募網民一起參與社區工作和地區宣傳,有意者請Inbox或Email到[email protected]! facebook page:https://www.facebook.com/KowloonEastCommunity 網誌

規劃

民主派就「觀塘音樂噴泉」表態

民主派就「觀塘音樂噴泉」表態
廣告

廣告

聽日觀塘音樂噴泉將會再上立法會工務小組。因為之前大家對議員缺席投票呢個話題反應好大,所以我哋特登逐個支持民主嘅議員打電話希望佢哋出席。

喺過去嘅日子入面,我哋花盡力氣,都唔能夠說服保皇黨議員支持我哋,亦唔能夠令政府重視地區嘅聲音,所以今日要逼使民主派議員打呢場數量不對等嘅戰役,非常感謝各位嘅信任同支持。

其實我哋有諗過建議議員用唔同策略,例如大家一齊早到突擊投票。但諗諗下,如果我哋唔係好似政府咁派人監視議員動向嘅話,根本用唔到呢招,最後仲會令成個議題無討論過而令議員捱鬧。

即使係出呢個post,我哋都擔心會因為被人知道咗有幾多人出席,令對家有更多人坐定定等投票。

諗到最後,我哋決定平常心,講我哋認為啱嘅說話,做我哋認為啱嘅事。

多得議員重視,有好大部份嘅議員都確認能夠出席。而未確認嘅議員亦都唔代表敷衍緊我哋,只係議員比較謹慎,大家無需要鬧定先。

社區唔係屬於某幾個人或者組織嘅,而係屬於喺度生活嘅每一個人。

工務小組之後仲有一關財委會,我哋其實仲好想喺財委會之前表達多次民意,即使呢啲努力喺呢個政治氣氛底下看似徒勞無功。

得我哋嘅話力量好細,只有當大家都一齊重視,社區先會有可能改變到,因為「社區起義,港人話事」從來唔只係一句選舉口號。

廣告