立即捐款

政經

棄上訴翌日 劉小麗到小西灣撐李鳳琼

棄上訴翌日 劉小麗到小西灣撐李鳳琼
廣告

廣告

東區區議會佳曉選區補選候選人李鳳琼(左)、前立法會議員劉小麗(右)

(獨媒特約報導) 東區區議會佳曉選區補選在下月10日進行投票,代表民主派參選的李鳳琼下午在區內的小西灣邨擺街站。日前宣布放棄就DQ議員資格官司案上訴、前立法會議員劉小麗前來撐場及派傳單,她表示一直都很支持李鳳琼,指自兩年前的社福同行到近來的居家安老事務,都有密切接觸,讚揚對方盡心盡力為社區和基層。

她提到李鳳琼不但是照顧者,而且具備專業技能和知識,「呢度係老區,需要像她這樣的人才真心為長者」。劉小麗表明,今次選舉不論成敗,往後都會繼續支持李鳳琼的地區工作。

談到進入選舉的直路,李鳳琼表示心情緊張,因為天氣較熱,自己和義工都在體能上感到辛苦,但看見街坊的熱情,認為辛苦得來都很開心。李鳳琼又談到,在近日的街站中,有不少街坊都願意和她講述面對的困難,「由三唔識七到有笑容,證明咗我哋建立咗信心,咁先會願意分享。」

李鳳琼續提到,有一名獨居88歲的老婆婆令她感到十分傷感,在交流時了解到對方的工作雖然是倒垃圾,但沒有申請任何社會福利。「我唔介意佢身有臭味,介意嘅係沒有人照顧佢,社會未能夠好保障佢。」

建制派則由植潔鈴以民建聯及工聯會雙牌頭參選,並一直主打居住在小西灣邨,自小已是民建聯義工。李鳳琼笑言,「我一直都做好多義工,聖若翰救傷隊做Teacher In-charge ,仲係校長,但呢啲唔係啲咩特別的事情吧。」

IMG_6262

對於有街坊更質疑其居住在小西灣區長達28年,李鳳琼表示「真的假不了,假的真不了」:「我係住咗28年呀嘛,「唔打我學歷、唔打我理念,唔打我嘅民主理念係咪真,而打啲無關痛癢的事,so what?」

被指宣傳的義工人數不足,李鳳琼反問「我唔知佢(植潔鈴)嗰啲係唔係義工,我嘅義工就一定係真義工,前幾日有人衝埋嚟叫六十蚊,我會講,咁辛苦嘅工作六百蚊都唔得啦。」她又強調,社區工作不應依靠「背後的人」去做,應是要「靠自己努力砌」。

原區議員林翠蓮去年年底病逝,觸發是次補選,其助理陳真真亦上陣參選,稱要繼承林翠蓮未完成的工作。陳真真報稱是獨立民生派,但其立場遭到質疑和有所隱瞞。陳真真又辯稱地區組織「東區之友」在新民黨創黨時獲邀加入,自己已退出新民黨,早前又獲得前民主黨區議員陳耀德支持。

李鳳琼日前進行誓師時,已批評有候選人以獨立為名,實情卻是建制派。李鳳琼對記者重申,林翠蓮在任區議員時曾反對公民提名、支持白皮書及人大831決定,而陳真真繼承林的路線,即顯然是建制派:「林翠蓮算係溫和建制,但在大是大非前前,和民主派立場相對,即係同民主理念打對枱。你繼承佢路線(林翠蓮)即係繼承埋呢啲。」

IMG_6263

在李鳳琼的宣傳直幡中,有民主黨創黨主席李柱銘支持的圖像,李鳳琼指有街坊未能分辨「民主派及民主黨」,又有街坊認為民主黨近日有負面新聞,對其宣傳有點卻步。

她表示在選舉橫額中分別加入了公民黨立法會議員楊岳橋及譚文豪的頭像後,情況有所改變。「啲街坊知道我無黨但原來有派,嗰個就係民主派。」李鳳琼補充稱,因為小西灣的四名區議員都屬於建制陣營,「今次是難得有紅底以外的人嚟宣傳」。

IMG_6265
以民建聯及工聯會雙牌頭參選的植潔鈴(右)

植潔鈴則於小西灣商場外宣傳,她主動向記者表示目前選情緊湊,但不會評論其他候選人。她稱只會做好自己,又強調所有義工都是當區居民,今次眼見自己參選所以決定助選。被指由鄭泳舜早前參選立法會九龍西補選時的團隊協助網上宣傳,她回應稱:「無噃,無啲咁嘅事,我哋自己團隊嚟。」

記者:麥馬高

廣告