立即捐款

本土研究社

由一群熱心關注本土發展及社會問題的研究者組成,開拓各種自主獨立的本土研究,推動民間知識生產與普及。 電郵:[email protected] FB:https://www.facebook.com/localresearch 網誌

政經

「居屋之父」變私樓之友?

「居屋之父」變私樓之友?
廣告

廣告

房協主席鄔滿海昨日接受港台訪問,大力支持公私合營發展地產商囤積嘅農地,仲話房協已經準備好參予其中。房協支持政府政策並不出奇,但奇就奇在鄔主席支持公私合營發展時,竟然流露出同地產大茶飯齊搵錢、鄙視資助房屋的諗法。

佢話反對公私合營中資助房屋和私樓出現在同一大廈,擔心管理問題其實都算正常(雖然有不少外國例子處理到,例如公營同私營單位分層處理)。但佢又講,擔心如果資助房屋同私樓太接近,會拉低私樓的樓價。為咗解決呢個「問題」,佢仲提議公私合營的私樓同資助房屋顏色和設計一定要吾同,確保外人分得出,確保私樓樓價不會受影響。

其實資助房屋同私樓放在同一棟大廈,從外觀分不出是私樓定資助房屋,令私樓平民化啲、樓價更可負擔,唔係值得追求咩?近年唔少國家都逐漸訂立混合社區(social mix)的房屋政策,例如英國就有「沒有房屋類型前設的建築設計」(tenure blindness),例如:將私樓同資助房屋放喺同一大廈內或不同座數時,從外觀要分不出是私樓或是資助房屋,認為可以幫助社區營造同社區共融,呢個係先進國家會採用嘅房屋政策原則。

鄔滿海身為房協主席不單止無為居屋規劃講說話,竟然做埋地產商個份,擔心鄰近資助房屋會影響地產利益,提出資助房屋同私樓一定要分開。其實咁樣係咪顯示咗,「公私合營發展農地」呢個選項,喺規劃階段已經被地產利益主導?土供組主席黃遠輝仲憑乜嘢週圍講造地能夠「重奪土地發展主導權」?

延伸閱讀:
鄔滿海受訪
黃遠輝指造地能夠「重奪土地發展主導權」

廣告