立即捐款

足球說故事

你看足球,我說故事。 網誌

體育

簡迪——襯托螢火蟲嘅漆黑

簡迪——襯托螢火蟲嘅漆黑
廣告

廣告

老屎忽經常教路,做咗幾多嘢一定要畀人知,唔係就會好蝕底,但總有啲人係行事低調,做幾多嘢都唔會爭住認叻邀功。

好似法國嘅簡迪,世界盃踢足7場,除咗決賽嗰場,其他賽事踢滿90分鐘,總共跑動68.5公里。滿場飛之餘,又助攻又助守,有佢做第一度攔截障壁,前面嘅攻擊手、甚至身邊嘅馬度迪同普都可以放心進攻,簡迪絕對係法國嘅無名英雄。

//地球上70%的表面被水覆蓋,剩下的30%被簡迪覆蓋。//

但係低調嘅佢從來都唔邀功,由李城奇蹟奪冠,到車路士封王,再到今日初嘗世界盃冠軍,佢都係默默打拚,唔介意做被忽略嗰個;佢甚至低調到明明係奪盃嘅重要功臣,佢都唔會主動要拎上手過下癮,反而喺側邊助下慶,最後要靠隊友尼索斯幫佢借個盃影相。

明明係最重要嗰個,偏偏佢可以低調到唔介意做襯托螢火蟲嘅漆黑。

佢份人就係咁低調咁怕醜仔,但就係呢份踏實同謙遜,先成就出今日呢個實而不華嘅簡迪。

你係有幾多斤量,就算唔使搏表現,都會有人留意得到。

足球說故事 Facebook Page

廣告