立即捐款

煙士打淫

麥浚龍的歌,崑南寫散文,黃子華棟篤笑: 情色文化無處不在,最緊要係,佢在你腦海。 網誌

教育

中文科能建立孝悌之道嗎

中文科能建立孝悌之道嗎
廣告

廣告

高中中文科選修單元其中一個是「情繫古今—五倫關係及其社會意義」,單元小結是:孝悌為仁之本。

中文科主張儒道,做寫作卷時結尾要昇華、帶出道德文化;做閱讀卷時也要分別作者是儒家還是道家、好掌握答題字眼。如果是儒家,那你寫主旨是一定要顯示「積極入世」的字眼,如果是道家,則寫「豁達自適、出世、脫離煩囂」,這樣才能得分。

整個中文課程不斷灌輸仁義禮智給學生,但又是否能達到相應果效?本文單以孝悌之道探討其成效,大家儘管罵我孤證不立。

由細到大,我都係最大嗰個,我屋企喜歡「弟子規,首孝悌」、「大讓細」、「好榜樣」、「你係長女嘛」的規矩,易於管理。至於對年紀較輕的孩子,禮讓似乎並不那麼天經地義,我家拋出「孔融讓梨」的故事,進一步引證做細嘅,唔一定要讓個大嘅,佢讓你,你要多謝佢。

唔公平嗎?

沒有。因為講就係咁講,當我賴死唔讓佢,你吹咩?sorry,一爭野玩,大人就沒收起玩具,兩個都無得玩,真係鷸蚌相爭,漁翁得利。無論做大做細,大家都好識做:咪爭呀你,齊齊無得玩架咋!

這些家庭教育中,我到底學了甚麼?我唔明點解要讓,我只知道唔一齊玩就聽大家無得玩。呢種沒收嘅做法,的確令我同弟妹之間多左好多磋商機會,促進左好多談判共識。你玩左,我玩右;你玩兩分鐘,到我玩五分鐘;你借架車比我,我比Barbie你!

事實證明用啲爛鬼中文term黎說教係無乜用,不過假如拋出一個共同難題,我們就可以一起解決,促進感情。

教育局啲中文野,又長又沉氣,而考評局又係都要學生擠落去份作文度,扮曬高檔思想,實際上無乜點感化到人。相反,現實逼人作出抉擇,兩難處境是最好的教師。幼兒教育尚且如是,又何況流流長嘅人生。

廣告