立即捐款

社運

【侍產假】張宇人稱「一日都唔應該俾」 職工盟轟無良及刻薄成性

【侍產假】張宇人稱「一日都唔應該俾」 職工盟轟無良及刻薄成性
廣告

廣告

(資料圖片)

(獨媒特約報導)行政長官林鄭月娥在去年的施政報告中提出,增加侍產假由三天加至五日,在今年六月就《2018年僱傭(修訂)條例草案》刊憲,預計在明年二月中實施。自由黨立法會議員張宇人在無綫新聞節目《新聞透視》表示「一日都唔應該俾」:「你以為七日佢哋會收手?有七日就有十四日,有十四日就一個月,又一年,你唔好以為我講笑。」職工盟主席吳敏兒對獨媒指張宇人的說法是嚴重脫節,炮轟對方是無良及刻薄成性。她重申,侍產假即使多少日都好,原意都是生育保障;而且「時代要進步」,批評商界不能再停留在只剝削,不落本的思維:「你自己無?就人哋都唔應該有?無病呀嘛。」

吳敏兒強調,現時有不少良心僱主,給予員工五日甚至更多的侍產假,並非全部僱主都和張宇人般剝削。「係呀,時代進步,但僱主嘅剝削其實都不停升級。」在節目中,張宇人認為僱員只會批評僱主無良,形容是「永無止境的苛索」,所以當局在2015年時提出三日侍產假時,自己都反對。

「代表」飲食界的張宇人認為,侍產假三日便應止步,指行業有數十個工種,如果大廚和總廚都有侍產假,「點請人頂嗰個位?你夠膽就嚟開食肆,用你嘅標準嚟做,工時又好,時薪又好,無論咩假都好,擺哂落去,賺到錢先好同我講。」

張宇人在節目中大放厥詞:「你可以話我無良,我老婆生晒,女兒、媳婦都生晒,我根本享受唔到,當然咩都反對,我哋年紀又點呢?我哋以前無侍產假又點呢?係咪?以前我哋老婆無產假又點呢?」民協前三料議員莫應帆在節目中回應時批評張宇人的思想落後,並沒有跟隨時代而轉變,「深圳都進步咗,我哋成日覺得唔進步的大陸都進步咗。」

曾任立法局、區議會和市政局議員的莫應帆在1997年提出私人條例草案,建議男姓享有七日侍產假,並支薪五分之四。他認為,不少國家都有侍產假,香港自稱先進城市,卻仍然落後於國際。對於商界代表稱,男性僱員一旦享有假期,便會偷懶。莫應帆不滿稱,香港的經濟發達,但不全然是商界的功勞。

廣告