立即捐款

社運

科技人盼破區議員法團管理公司「鐵三角」「俾居民一個選擇」

科技人盼破區議員法團管理公司「鐵三角」「俾居民一個選擇」
廣告

廣告

(獨媒特約報導)自己住的屋苑發生的事,自己清楚嗎?

資訊科技顧問陳耀初居於將軍澳富寧花園,亦是富寧花園關注組召集人,近來亦加入區內民主派的平台將軍澳民生關注組,成為「富藍」社區主任。

陳耀初於富寧花園居住近20年,本來對屋苑或地區事務不甚了了,但屋苑計劃進行大維修,「由2014年開始講,開曬居民大會又貼曬圖則,但講咗兩年到2016都未整,就覺得奇怪,開始關心咩事」。

他表示未有想到,作為一個居民原來「連監察都好難」,屋苑運作欠缺透明。陳耀初形容,富寧花園存在「權力鐵三角」,包括法團、管理公司及區議員,其他居民難以監察。陳耀初表示當初「好天真」,以為聯署行動可改變現狀:「本身諗住搵咗幾百個簽名、有曬數據就得,但原來想同區議員、政府表達意見都係好難。個機制係你就算作為一個當區居民都 stop 唔到。」

陳耀初明白到如果希望維護社區利益,就只有參與更多社區工作,因此決定成為社區主任,並加入將軍澳民生關注組,與其他理念相同的地區工作者合作。他強調自己「唔想加入政黨」,而關注組「規模比較細、比較自由」。他自己並不希望成為政客、「唔想講政治」,認為地區工作才可令他「貼地入手」。

陳耀初

他期望「推翻根深蒂固嘅勢力,為社區帶來改變」 ,「俾居民一個選擇」。陳耀初盼能推動居民參與及知悉更多資訊,「上面起樓、個巴士站改咗,好多居民都唔知」,「覺得同個社區抽離咗」。「我唔係天真到希望居民會主導,但想同佢地可以有溝通。」他希望以居民利益為前提進行地區工作,「我唔希望被冠以黃絲帶或藍絲帶區分。其實住得同一個屋苑,好多居民喺社區嘅利益上面都係坐埋一條船。」

「我嘅宗旨就係 do no evil,唔好做壞事。」

「富藍」現任區議員、民建聯陳博智,上屆區議會選舉以不足一百票的差距,以2,207票對2,113票擊敗將軍澳民生關注組的陳耀銘。

記者:王沛嘉

廣告