立即捐款

本土研究社

由一群熱心關注本土發展及社會問題的研究者組成,開拓各種自主獨立的本土研究,推動民間知識生產與普及。 電郵:[email protected] FB:https://www.facebook.com/localresearch 網誌

政經

【高球地小人多】似乎有人已經出賣左基層……

【高球地小人多】似乎有人已經出賣左基層……
廣告

廣告

聲稱自己係基層代表既何喜華先生貴為政府土供組成員,經常在土地大辯論發表立場,但你個角色唔係應該諮詢市民意見,點解成日自己講埋一份呢?

何喜華個社區組織協會(SOCO),去年在傑志保衛短租球場地事件站在香港市民的對立面,主動拉大隊叫基層去城規會支持政府收地,當年個解釋係唔係針對傑志,如果收粉嶺哥爾夫球場幫基層都會爭取既。

去到土地大辯論開始(2018年4月),入左土供組既何喜華,自己個組織社協又去約見返土供組然後出左個公開新聞稿,話粉嶺哥爾夫球場呢類私人遊樂場契約用地,「既然政府有權收回...本會認為應該考慮收回部分用地,提供不同類型的住宅單位」。似乎好幫基層喎。

點知過左幾個月,尋日個土供組個諮詢會一個屈尾十就飛甩左對基層市民既承諾,話「任何形式的發展都不支持,因為球場有生態價值。」吓?何喜華因咩事要咁樣背棄初衷? 對唔對得著成千上萬既劏房戶? 定係俾高球會成功游說左背叛基層,一直都當基層係你既老襯提款機?

我地對2020年就到期既粉嶺哥爾夫球場特權用地既態度,係覺得一係收回作開放用途,一係收番佢市值租金,冇理由繼續用呢種方式俾佢千秋萬世續租落去。但係入左土供組既何喜華,似乎近年愈來愈企喺政府同權貴既一方,令佢作為基層代表既形象面臨全面破產。

註:圖中引述聲明內容應是2018年4月非2月,與上文肳合

廣告