立即捐款

柳臣

小心輕看總編輯 網誌

生活

女人鐘意既,真係壞男人嗎?

女人鐘意既,真係壞男人嗎?
廣告

廣告

(攝:Alex Leung)

好多追唔到女仔既男仔,都將原因歸究於自己唔夠「壞」。我一聽到呢句就會嗤之以鼻,我不禁想問佢地:「好人,你又有幾好啊?」

其實一個人有幾吸引,唔係佢有幾好幾壞,呢啲都係好主觀,而最大既落差,好多時候都係男仔唔明女仔鐘意既「壞男人」,有咩吸引力。

第一,情趣。

鐘意自認「好男仔」既男仔,多數都規規矩矩,講野做野好小心,生怕一唔小心惹女仔唔開心。就好似小學時男女桌面上畫上楚河漢界,唔敢越雷池半步。好聽啲叫禮貌,實情係悶都悶死人。同佢地講野,同佢地生活,諗都諗到有幾悶。而壞男人既壞,唔係有幾唔規矩,只係佢地識得調動女仔既情緒,夠膽去flirt。情趣係一種兩個人平淡相處中能製造驚喜和新鮮感既一種能力。要令女仔產生愛情既感覺,首先要識得調動情趣。當中既會不時挑戰女仔定下既規矩,同時又知道真正既底線係邊。呢種掌握力、自信同新鮮感正係吸引力既所在。

第二、自信。

自信真係好緊要,但係毒撚又最忌有自信。咁到底有吸引力既自信姐係點呢?簡單講就係瀟灑,放低得失心。你鐘意佢,所以你追佢,但係如果佢唔鐘意你,it’s fine。我依然有我既生活,好既精彩,我嘗試將我既精彩生活帶畀你,但唔係非你不可。我好鈕鐘意將自信同另一個元素放埋一齊講,就係誠實。唔誠實既自信係無意義,你要真係過住精彩既生活,你要真係覺得唔一定非佢不可,你要真係有自信,你先會成為一個有自信、有吸引力既「壞男人」。所以壞男人唔會日日瘋狂爆女仔whatsapp,唔會做情緒垃圾桶,唔會死纏爛打。

壞男人真係壞?好男人又有幾好?壞未必係本質,學識點做一個壞的好人,既保留好既本質,又有住壞既魅力,自然能夠吸引到女仔。

廣告