立即捐款

新文道

如果可以用5分鐘看完一套電影,那為什麼不可以50秒看完一篇新聞? 網誌

政經

科技園一「劏」再拖 政府懶理礙發展

科技園一「劏」再拖 政府懶理礙發展
廣告

廣告

公平係營商環境之中係非常重要既一個元素,那怕企業之間既資金實力唔同,只要建立一個公平既平台,令到唔同既競爭者可以公平咁憑實力競爭,投資者都會願意一搏,但係一旦個個地區無一個公平既營商環境,企業就唔會有信心留係度紮根發展,更唔好講做創科研發。

科技園本身係為咗引入唔同既數據公司,先係將軍澳工業邨撥出廉租地皮,等數據中心營運商可以用較低地價經營,鼓勵創科發展,令香港成為「亞洲數據中心」。

但係前排被人踢爆咗好多公司都攞科技園黎做「數據劏房」,大賺一筆。就好似NTT Com Asia分別係今年向一間國際雲端電腦企業同係2015年向一間金融機構「提供服務」,包括提供辦公同存儲空間、又例如Global Switch係2017年透過同德利迅達既服務條款「承租」部分設施畀中國電信國際、HKCOLO亦都分別係2011及2012年向IBM、公營機構同金融機構提供地方同服務。結果創科土地變成官商合謀劏房,反而本末倒置起黎,令到真正既數據公司無法公平競爭。政府係2015年先立一條競爭法(無咗公平兩隻字。。。),而家對於呢啲咁唔公平既做法又視而不見,遲遲都唔採取行動,任由「數據劏房」既存在置諸不理,不禁令到業界開始質疑科技園能否有效扮演管理的角色,佢到底係想鼓勵創科發展,定係鼓勵劏房發展。

其實將軍澳工邨用地就好似公屋、居屋咁,因為一開始係平租畀你,未補晒地價梗係唔可以分租出去做「數據劏房」啦!但係依家嘅情況就好似有人用公屋、居屋做劏房一樣,對廣大納稅人係一種剝削,政府偏偏唔理,甚至仲有公營機構參與其中。科學園而家唔單止有法不依,而且仲要將未用盡嘅地積比轉移畀呢的劏房包租公,咁做等於畀公屋、居屋既劏房包租公僭建之後再賺多啲,真係過雁拔毛賺到盡不突止,仲要係攞納稅人既錢去發達。

無一個企業願意係一個完全唔公平既環境之下發展,咁既情況再唔改善,只會影響投資者對香港營商環境既信心,令到真正既數據公司唔願意留係香港發展,最終進一步拖慢香港既科技發展。

廣告