文：論盡採訪組
新聞局昨日在臉書專頁上發出標題為「安哥衷心感謝大家！」的帖子，雖然內容多是官腔讚揚社會各界齊心抵禦颱風侵襲，但政府部門用「安哥」稱呼特首崔世安，迅速引起市民廣泛熱議及轉載。有市民留言質疑︰「安哥？黑社會大佬啊？」並獲最多人點讚及表情符號。
市民留言摘錄︰
「公關災難..啊..救命….」
*
「新聞局識寫公文？安哥指邊個？你試下寫平爺？」
*
「安哥？我諗左好耐囉系邊位安哥，許志安？」
*
「我只可叫佢技安」
*
「係嘅大佬！」
*
「亡羊補牢，鬆毛鬆翼系列——「天鴿」瀨嘢後仲係叫崔特首，食完「山竹」就懶風騷改口叫安哥？官方文稿突然玩親切非常嘔心，日後可能會有澳門安哥與香港娥妹一同上京見習老大？」
*
「身為政府新聞局，代表官方信息的政府部門居然如此輕挑？而我不知道誰是安哥，或者下次用『吹水』會容易令人知道是誰」
*
「打颱風風災咁多經濟損失，講到好似可喜可賀咁。」
*
「今年無事就飄飄然出黎講笑幽默，安哥你記唔記得上年死左幾多個人？」
*
「好叻叻豬啊安哥！ 但係水浸問題仲未解決啊！」
*
「其實安哥只係一種稱呼，大家都知係指特首就可以。笑一笑啦澳門人」
*
「稱呼都睇context，篇稿第一句就係『……代表澳門特區政府』，唔係代表緊阿豬阿狗機構，橘逾淮為枳應該小學、頂多初中，就有教了吧？」
原帖傳送門（識睇一定睇留言）