立即捐款

煙士打淫

麥浚龍的歌,崑南寫散文,黃子華棟篤笑: 情色文化無處不在,最緊要係,佢在你腦海。 網誌

生活

婚姻計算學:如何增加贏面

婚姻計算學:如何增加贏面
廣告

廣告

攝:Alex Leung

常聽說:如果要揀結婚對象,唔好搵一個你鍾意佢多過佢鍾意你嘅人,要搵個佢鍾意你多過你鍾意佢嘅人。

因為婚姻本來就係一場災劫。

兩個人只能活一個。你想要點樣經歷?人人都自私,梗係搵個願意為自己付出嘅人喇。

輕諾寡信嘅puppy love,都總有一方開出承諾:海枯石爛、天涯海角......另一方則十分受落,最終,過左一段時間,佢瀟灑地告別,只有十幾歲,佢已經係個player。只有十幾歲就經歷情傷,你曾經相信嘅一生一世原來都係虛無。

上到間摺摺地嘅u,識到個幾靚嘅女仔,你以為佢好純,你以為佢無乜機心。全部都係你以為。我同你講喇所有女人都一鳩樣架!有時真係唔怪得佢地,年過30嘅value就直線下插,到左人老珠黃嘅局面更加無人愛、無人收留。女人始終唔同男人,男人就話愈老愈有男人味......所以佢地全部都精打細算,對於談戀愛呢部分,如果發現唔太夾,就會盡快斷尾。哪怕係幾個月或半年。那位天真嘅男同學,呆呆不明所以,原來佢話你份人係好好,不過太唔上進,驚你第日搵唔到工又升唔到職。咁樣點養起頭家呢?嘩,姐姐,乜諗到咁長遠呀......唉,咩都好喇,又比人飛了。

戀愛本身就係一場你死我活嘅過程,但我想講嘅係:婚姻亦然。

洗衫煮飯拖地,家務係得咁多,你地兩個人點分?如果你夠大男人,就大大聲靠嚇,同佢講照顧家庭係女人嘅天職(就算佢要返工,家務都係佢做曬)。另外,錢銀方面,點解要擺埋一齊?你要兇佢丈夫係有財務自由,只要交足家用,其他雜費不必管。又勝一仗。

當然,有啲勢力範圍始終係女人有優勢,例如廁所。起身、出門之前、放工之後、沖涼、臨瞓前,喺以上五個指定時間之中,唔好意圖闖進佢勢力範圍。廁所呢一仗,作為男人贏面好細,所以無謂硬拼、無謂掙扎。

婚姻就係兩人之間一場激鬥。你暗自盤算輸左廁所、贏左户口......輸左個衣櫃,佢都應承鞋櫃入面你可以擺六對,叫做打和喇,至於梳化......

婚姻係一場高超嘅利益爭鬥。你以為自己咁樣猜忌佢,好無良心?sorry,唔好傻喇,你以為你會贏到女人?正如我所講,佢地嘅心機深不可測,所有野都諗過度過、分分鐘比Big Four嘅朋友仲精打細算......佢地條數式複雜到你理解唔到,佢地永遠有一套自己嘅邏輯,同埋特定反射動作,例如你話佢肥(講笑tone)佢就反射式話:「你咁嫌棄我body咪搵個model同你過世囉」例如你話今晚攰、唔想做喇,佢就話:「淨係掛住份工,從來無諗過我感受」沒有最無奈,只有更無奈,佢嘅絕招係:「你從來都無愛過我!」

女人係極之複雜嘅生物,你永遠無法看透佢地嘅構造。男女住埋一齊、仲孭多左一份責任叫家庭,成場仗可能要打十年、廿年或更耐。

計我話,要贏,你係要唔好搵一個你鍾意佢多過佢鍾意你嘅人,要搵個佢愛你多過你愛佢嘅人。

走到呢一步,無咩鍾唔鍾意架喇,你呀爺都曾經好鍾意汪明荃,當年著上古裝幾鬼秀麗,但如今人老珠黃,咩年代嘅男人對佢都唔會有幻想。所以,要搵嘅唔係鍾意的人,係愛的人。

嗰個自私自利嘅原則仍然不變:要搵個佢愛你多過你愛佢嘅人。但係,你要學多一樣野:喺啲無關痛癢嘅地方讓下佢、比佢贏返幾仗。因為女人係種結構複雜、難以理解嘅生物,好多範疇佢都好執著,例如梳化一定要深藍色、襟污糟,而且可以當梳化床,佢話會用黎罰你做廳長。例如佢好堅持計好日子做愛,聽講喺高危期受精嘅BB係最健康架,老公,生一個仔一個女好唔好......你明知呢啲野無得揀,仍然膚衍地點點頭,「好呀好呀」,心諗:又唔係我生。跟住佢又執著要買最貴嘅雙人床床褥,「瞓幾廿年架喇」你份人無乜所謂,唔明白點解佢咁堅持。

做男人就要搵呢啲女人做老婆,佢愛你多過你愛佢,雖然佢每一仗都贏左,但你每一仗都有著數。只要呢個「佢愛你多過你愛佢」嘅條件,可以確定佢事無大小都會幫你諗埋。

的確,太多心機、太多計算唔係男人嘅專長,所以你當下要做嘅係,搵一個咁愛你嘅女人、然後將未來五十幾、六十年交比佢去計,呢個做法永遠最划算,亦係必贏。

嗱雖然話就話啲女人成日大肚屈責任,要我地埋單,生左落黎點都確保佢作為母親嘅合法地位,你第時唔要佢,就係拋妻棄子......但係一個肯幫你生仔嘅女人真係好偉大。

「啊......老公,我好似陣痛......嗯啊啊啊啊」佢抓實你,臉容扭曲。你騰曬雞唔知點做,佢強行擠出微笑:「我頂得住嘅」呢個時候,我可以代表天下間所以深愛自己夫君嘅女人同你地講:老公,好痛啊,但係為左你,我頂得住。

原來婚姻嘅數學公式,唔係同一生一世劃上等號,亦唔係話要去到天涯海角、愛到海枯石爛。最大嘅安穩喺屋企,最大嘅幸福係有個愛你嘅老婆。婚姻學嘅公式係,老婆愛你,你又愛佢,雖然佢可能愛你多啲咁dur dur,但你都好愛佢!呢條公式嘅答案,就係幸福快樂。

廣告