立即捐款

劉康

葵涌循道中學學生,曾經試過喺同林鄭月娥合照嗰陣,高舉香港獨立標語 網誌

政經

林鄭月娥膽大妄為拒絕民眾監察

林鄭月娥膽大妄為拒絕民眾監察
廣告

廣告

林鄭月娥最近因爲諗住起大愚人工島,而廣受民眾斥責。林鄭月娥喺幾日之前就話,自己成為網絡欺凌目標,又話祇有科技知識而無品德嘅人如同網絡黑客,對社會危險。言下之意,林鄭月娥即係視監察爲欺凌,同埋膽大妄爲到,拒絕受到民眾監察。林鄭月娥點可以拒絕受到民眾監察呢?

民眾係有權睇政府做啲咩,聽政府做緊啲咩,講自己想政府做啲咩。民眾就政府諗住起大愚人工島一事評論,係非常之合理。正如亞里士多德(Αριστοτέλης)所講:「……人係唯一有語言嘅動物……語言可以表達利弊同公正或者唔公正等等。同其他動物相比,人嘅獨特之處在於,人係有善同惡、公正同唔公正同埋諸如此類嘅感覺。」[1]評論林鄭月娥諗住起大愚人工島嘅人,其實祇不過係,有不得已者而後言,其皆有弗平者乎。林鄭又點可以唔俾人講呢?

民眾可以評論政府,固然係出於人嘅優良本能。「……人天生就係政治動物……」[2]亞里士多德早喺二千幾年前,就已經得出呢個觀點。人與生俱來就有呢個優良嘅本能,而存在喺政體之中,去處理公共事務,去評論政治,所以可以發揮呢個優良本能去評論林鄭月娥。林鄭月娥點可以扼殺民眾用呢個優良本能呢?呢個優良本能猶如四肢,豈容政府隨便斬走?

人嘅優良本能,如果受到政府壓制,最終祇係會禍害所有人。「……迫到一個意見唔可以表達出嚟嘅特殊罪惡在於,咁係掠奪緊所有人類,無論係對後代同宜家呢一代都係一樣……」[3]約翰·米爾(John Stuart Mill)已經表達過,言論自由不容侵犯。人如果表達出自己嘅意見,就有機會認識眞理。相反,不告之則稔禍於人,最尾淨係會令人損失知道眞理嘅機會。

林鄭月娥拒絕民眾監察佢,如果唔係猶如盜賊,對社會危險,咁仲會係啲咩?

註:

1. (希)亞里士多德(Αριστοτέλης)著,顏一、秦典華譯:《政治學》(臺灣:昭明,2003年),頁34。

2. 同註1。

3. (英)約翰·米爾(John Stuart Mill)著,程崇華譯:《論自由》(臺灣:唐山出版社,1986年),頁18。

廣告