立即捐款

職工盟

香港職工會聯盟(簡稱職工盟)1990年成立,現有90多個工會成員,代表近20萬打工仔。我們堅守的使命:凝聚集體力量,推動自主工會運動,改變社會以達至工人的尊嚴生活! 網誌

社運

滴水穿石之侍產假

滴水穿石之侍產假
廣告

廣告

好多野,儘管宜家政府唔理睬,誤解曲解唔理解,但只要我地一日唔放棄,一日就有改變嘅可能。

最近,退咗休幾年嘅郵政局員工會葉滿光(人稱光哥)就畀小編睇一封陳年舊信,原來早喺1992年,職工盟已牽頭成立咗聯席,爭取全薪分娩假同侍產假,仲組織行動向政府提出訴求。

事後作為聯席代表嘅光哥,仲收到教育統籌司陳祖澤嘅回信。最搞笑嘅係,當年政府根本完全唔知侍產假係乜,竟然封信抬頭將聯席名稱誤寫為「待產假聯席」,睇埋內文就知,呢個唔係手文之誤咁簡單,而係完全出於無知。因為,政府喺封信內,好刻意咁澄清「法例設有有薪分娩假期,主要目的是保障待分娩和分娩後婦女的健康,所以分娩假期並不適用於男性僱員」,嗯,分娩假期唔適用於男性,明白晒,你唔講我真係唔知囉。

爭取勞工保障從來不易,這個你我早已知,當中要打破重重鉫鎖,唔知要經歷幾多時間,先會成功。但滴水可以穿石,侍產假從高官完全唔知係乜東東,到佢地終於肯正視,直到立法,就係一個証明。七日全薪侍產假,We will be back。

廣告