立即捐款

陳劍青

本土研究社成員,經營民間地理思想,關注城市空間問題。 網誌

政經

誰最支持大規模填海?

誰最支持大規模填海?
廣告

廣告

萬人上街反東大嶼計劃後,地產佬施永青寫左篇《誰最反對大規模填海?》,開始標籤想反對盲目填海既普通市民,唔係環保人士就一定係反對人士,話佢地目的只係為左環保同反對,重散佈「反對填海 = 地產商壟斷土地 = 政府冇議價能力 = 支持地產霸權」既陰謀論,有啲普通人又好似真係走去信佢吹水。

不過咁,佢地開動輿論機器抹黑市民係件好事,更加證明左上次東大嶼遊行正中要害,因為政府通常面對挑戰,一般會扮聽左同扭曲你既意見扮做左,但係今次市民既訴求夠清晰同立體,政府壞機運作唔到,咁佢就只有抹黑同扮睇唔到黎處理社會既真實聲音。

用個腦諗下都知,「唔支持大規模填海 = 實質上支持地產商」根本係唔成立,有以下理據:

1)特首係由地產商選出黎,人工島計劃既出現本身就係官商暗結既產物,施永青你話唔填海就令政府冇得同地產商議題,依家政府只會同地產商攜手合作,乜重會同佢議價架? 佢係從根本混淆左香港真正既政商關係。

2)依家全行地產商都公開撐填海,包括施永青同收地產商錢既團結香港基金,咁係咪代表地產商反對緊自己?

3)最新既大規模填海計劃都令地產商發過滿堂紅,白石角、西九龍、小蠔灣,全部都清一色賣地俾產商起豪宅。過往沙田第一城填海個陣地產商喉著政府起好多基建冇錢用,於是就攪「公私合營」俾佢地自己填海造地起埋樓賺錢,呢個計劃令當年華資地產商賺到驚人既利潤,依家佢地間唔中都拎呢個出黎J+ Sell政府。

4)填海做左塊地出黎,政府都可以夾埋地產商慢慢「擠牙膏」,吊高黎賣,都可以繼續玩地產霸權,多左啲大塊田地產商多左彈藥玩,重可以俾其他新中資player玩埋一份添。

5)地產商賺大錢唔係只係透過地,而係「土地——工程——基建」既循環產業縺。係香港賣左地既收益只會撥入去起基建,亦即係如果你要起一個萬幾億人工島,之後個十幾年每年政府都要狂賣千億公有地俾地產商,令政府更需要靠攏地產商,本來可以用黎做社福同公屋既地都逼著賣哂俾地產商起豪宅。

如果施永青咁想透過填海打擊地產霸權,最好既方法其實係政府用更低既成本收新界棕土,甚至零成本用番閒置官地,拎一千公頃地一炮過起公屋吸收哂啲逼左去私人市場既租住需求,將地產商打回原形變番做個普通工程承建商,結束玩左30-40年既地產霸權時代,但係佢似乎唔係咁諗。

成件事最有趣既係,呢個講法唔係出自施永青,我第一次聽呢個「唔填海 =撐地產商」既講法,係來自幾年前團結香港基金一個想sell我支持填海既代表,這似乎說明左一啲野。

廣告