立即捐款

Momay

我係熱愛足球嘅油漆佬。 網誌

生活

金庸群俠傳單機版,究竟有咩好玩?

金庸群俠傳單機版,究竟有咩好玩?
廣告

廣告

頭先講到大約係1998年我喺一個同學屋企睇佢玩過《金庸群俠傳》,由於見到可以揾好多金庸角色一齊組隊打天下,可以做好人又可以做奸人,仲可以切撚練神功,遊戲嘅自由度好大,所以嗰陣買唔起電腦嘅我係非常想玩,直到2002年我終於買得起電腦,不過我安裝嘅第一隻遊戲唔係金庸群俠傳單機版,而係金庸群俠傳On Line,但玩咗三個月就因為不敵外掛撚放棄,外掛橫行,身為製作公司嘅網龍都唔想,但網龍冇盡力阻止,而且向管理伺服器嘅管理員(GM)舉報外掛撚事宜態度又懶懶閒,所以咪停止課金遠離遊戲。

而金庸群俠傳單機版我係要去到2013年先正式搵返嚟玩,其實2002 - 2013年呢段時間我已經忘記咗呢隻電腦遊戲,係2013年喺街撞到個小學同學諗返當年坐喺佢隔離睇佢玩嘅時光,就手多去搵返,不過唔知係咪歲數問題,雖然係好玩,但覺得一個人坐喺電腦玩真係好似差少少嘢,又或者我根本係鐘意睇人玩多啲。而角色練''野球拳''去到十級時實在太屈機,張三丰俾我一拳打瓜咗,仲要話「我已經沒有什麼可以教你了」,真係好唔高興,一個武林高手俾啲咁嘅騎尼拳秒咗,不過可以同田伯光、歐陽克一齊同流合污都幾好,最緊要隻遊戲嘅自由度大,雖然啲畫面一般,但遊戲性搭救。

而呢隻單機版畀我嘅最終印象,就係0血唔使死住。

廣告