立即捐款

體育

(戀舊)新時代?

(戀舊)新時代?
廣告

廣告

尋晚八九點已幾肯定,頂唔順 11 日內認真睇四場,所以都係留一留,以訓覺取代防守。拆禮物日赫德士菲一戰,應該都只會睇下半場或最後半小時。去到除夕和新年,才會認真一點。由賓尼迪斯守尾門,輸左都值回票價。

黑茶的取向似乎跟本人正正相反,昨晚係擺出無論如何要首戰大勝定軍心的姿態,當然係合理。昨晚陣式的重點似乎是(冇睇),靴里拉更接近進攻中場,令馬迪不用助攻乜滯,理論上可補馬迪體能不足,雙閘齊上則擴大了連度洛夫的用波空間,而楊格有足夠經驗判斷,不會太冒險。

但問題係,1 我個人認為在進攻上無可替代的靴里拉和雙閘,這三個人係咪直落踢足4場360分鐘? 2 未來三場費特點用,黑茶有冇說明書?

純睇精華,頭兩球菲律賓國腳 Etheridge 難辭其咎,似乎都是撲救不俗,但判斷力弱且心理質素有好大疑點的門將。人牆更不要提。但整體而言,Warnock is Warnock,8次帶領不同球會升班,但從來不是護級界翹楚,所以已冇野補充。但又坦白講,係收貨,無論對佢定係對黑茶。

這幾年睇北歐聯賽,都主要係睇瑞超(鍾意赫緊和哈馬比),挪威的較少(十年前幾 like 利尼史特朗)。兩個聯賽無論陣式或技術向度有咩不同,都是傾向以速度為主,即係一係sprinting,一係極快傳送,thinking time approaching 0,莫迪一向係大開大合。黑茶冇俾曼聯壓住,做番自己,鄧佢高興。

黑茶身為老費時代的重將,聯隊若變番進攻型,解決了好多人的身分認同危機,至少包括我,唔需要對住一隊踏實防反,用死球制勝的曼聯。

我第一隊厭煩的曼,正是簡察斯基和沙柏雙翼齊飛。在當時這是叛逆傳統的,英格蘭的442,好多都是三個防守型中場,包括利物浦,中場只有班尼斯有進攻自由,右路候頓好少落底,只會去到三閘線。

鄧摩連奴唔抵一回事,但佢十幾年來已贏夠。倒不如諗下邊隊拿拿臨一月借走費蘭尼和麥湯文尼,等曼聯再無後路可退,一往無前,直奔聯賽冠軍寶座好過啦。

赫德士菲主場大敗俾修仔,木耳仍然傷,華拿仲有冇牌出?但按盤路演變,我有基本的 feel good 預感,三天後的比賽赫隊不會太差。

廣告