立即捐款

陳劍青

本土研究社成員,經營民間地理思想,關注城市空間問題。 網誌

政經

香港公開資訊到目前為止都係一個笑話

香港公開資訊到目前為止都係一個笑話
廣告

廣告

香港公開資訊到目前為止都係一個笑話,今日話開放650個政府數據,其實大部分都係啲人畜冇害唔駛睇政府都搵到既資訊,充斥著剪草工作點呢啲只係對雀仔有意義既地理資料,無關痛癢既房屋資料,但係追左你十年八年既重要政府資訊,例如啲富豪用幾錢點租緊公家地,明明逼左你承諾新批就會全面公開,點知重係交一忽唔交一忽。

新界棕土外國政府係每年都會 keep track 著你佢既擴張,有開放既地圖數據,我地呢?2012年民間做左首個公開棕土地圖,2015年民間再做左個「棕源地圖」,2018年底我地再做埋25年來棕地空間資訊歷史變化地圖,土地大辯論都完左,到2019年政府重未有呀! 重要俾我地查到佢數漏成200公頃⋯⋯

政府成日話自己冇地,追左你咁多年要交番上千公頃有幾多地係俾邊個部門扣起既臨時政府撥地(Temporary Government Lot Allocation),又冇料到,想請問部門扣地有乜私隱可言?

公開官方資訊關乎公眾監察權,近幾年我地做左開放土地數據既先行者,你會發現永遠係要民間做得快過政府,爆佢違規地圖、套丁地圖,先逼到佢開夜半步,永遠係被動回應,其實可唔可以自己主動啲?死心罷啦,唔會架,一定要靠將來資訊自由法立法,部門先會乖乖交番啲公共資訊出黎。

題為編輯所擬

廣告