其實航空安全係空中服務員最重要嘅工作，沒有之一，而唔係提供個人服務。
咁點樣確保航空安全？就係靠考試，有一年一次嘅安全試，同埋每次上機執勤之前嘅「小考」！
每一年空姐空少都要考安全試，確保大家掌握飛機安全嘅最新情況，即使有突發情況都可以應變，如果 Fail 咗，可以 retake 一次，有啲航空公司 retake 都唔合格就要炒。而當中又包括咗兩部份，分別係緊急應變同醫療知識。
緊急應變方面，因為空姐空少飛好多程，每次嘅班機型號都可能唔同，所以係要記熟哂每個機種嘅安全設備、唔同情況嘅逃生程序等等。考官都會出個情境題俾你，考你落地、落水、機艙外面有冇火災等要點應對。
至於醫療知識，就要知道咩病用咩藥，要有啲藥物嘅使用係要用電報同地面嘅醫療機構聯絡，得到專業醫護人員批准先可以用，當然都少不了臨場應變，急救嘅時候攞咩器材，點樣評估乘客嘅健康狀況等等。
除咗上面嘅一年一次大考之外，每次上機前都會有 briefing，都要考航空安全嘅問題，形式就間間公司都有啲唔同，有啲係上機前一人問一條，如果唔識答，就會問多條，問多條都唔識，原則上你就無得飛﹔亦都有啲係執勤之前，以電腦考，有三次機會答，如果答極都唔識就 bye bye！
所以空服員嘅首要工作係確保大家嘅旅程平平安安！