立即捐款

青衣島民

一個有關青衣的專頁 一起發掘青衣人的故事 一起探究青衣土地的歷史 一起監察青衣各樣的瑣碎事 網誌

社區

青衣最迂迴既巴士路線

青衣最迂迴既巴士路線
廣告

廣告

今日對青衣島內居民黎講係一個大日子,話說青衣島唯一出港島既巴士路線終於延長服務時間,而且總站亦遷回長安。所以等祭酒我去講下呢條路線啦。若果講起最迂迴既青衣巴士路線莫過於兩條路線:常規有948,通宵則係N241。究竟咩野因素令到依兩條路線係青衣島裡變得複雜呢?

咁就要由青衣島既城市規劃講起。70年代尾開始直至80年代尾於南橋旁邊既大環以北既山頭(60年代地圖稱為Tai Wan,中文名稱小編音譯)依青康路一帶山頭建成為今日既長青邨、長康邨。80年代中後期將填平青衣塘所得出既土地建成青衣邨、青怡花園與翠怡花園等大型公私營住宅項目。而門仔塘亦被填平成為長安邨、長發邨、青泰苑(下稱安發泰地區),住宅區慢慢擴展到北面担杆山與龍洲沿岸。90年代初政府發寮肚山,於山腰位置興建長亨邨,千禧年前後沿山勢興建長宏邨。

巴士路線既規劃往往因為人口分佈與基建配套所影響。兩條路線營辦既時候都係90年代初,由於當時居住人口相對集中係青衣(南)既長青、長康邨,而青衣北既青衣邨及安發泰地區只是剛入伙。在此情況下,自南橋落地後就順著青衣(南)既主幹道青康路服務長青、長康一帶,轉入涌美路則方便涌美老屋村既住民,沿著楓樹窩路行便可以將到達青衣北各條屋邨。因應寮肚山上面既屋邨人口漸多,兩條線開始在09年至11年間亦分別將青衣方向既總站延伸到長宏。

其次,設立既目的亦會影響路線既規劃。心水清既讀者或者留意到348線與早期既948線係採用44M既走法,沿著青衣鄉事會路左轉入楓樹窩路,而並非先駛入青衣(南)後從涌美路駛出青衣鄉事會路。由於當時設立既目的旨在舒緩地鐵荃灣線上午繁忙時間超載情況而設立既一條單向線,由長安開往上環。由於中巴需於港島調動吉車前往青衣,為避免資源浪費,而獨自營辦早上由中環(港澳碼頭)前往長安既服務。因此並沒有周詳考慮屋邨分佈而訂定路線。

直至98年7月16日開始,聯營公司確立了下午繁忙時間提供班次後,948線青衣方向既目的則變成收工時間疏導港島各區前往青衣各處既搭客,所以路線大幅度更改落橋後先行走青衣(南),而路線沿用至今天。

相反N241既前身241S設立既原因係由於當時青衣尚未有對外既通宵巴士線路,而且紅色小巴未能進入島內提供服務,此路線在當時來說接近完美,能夠將大部份青衣島居民覆蓋。營辦接近三年半後因應長亨邨已經陸續入伙,所以巴士公司將241S青衣方向既總站伸延到長亨。自09年開始N241再一次將路線向山上伸延至長宏後就沒有重要變動。

時間返黎2019年1月28號,亦即係今日,948青衣方向總站搬回長安,長宏變成中途站,似乎寮肚山既乘客好似能夠提早落車以節省時間。而原本長安總站安置往葵興站既44M車坑變成與948及948A共用的情況下,會否令搭客做成混亂,需靜待觀察才能作出判斷。

講左咁耐其實想表達什麼呢,其實沿用十幾年既路線究竟係咪再合適現今青衣區內既發展呢?948最新既路線調整,經過楓樹窩路後先沿青衣西路同寮肚路到達長宏後折返到山腳既長安作為總站。雖然理論上可以縮窄從長康走路回寮肚山與直接於抵達長亨長宏兩者時間上既差距,但又可否解決到區內路線過於迂迴既詬病呢?的確需要一段時間來觀察。同樣,N241呢條咁相似既行車路線又會否有所調整以滿足現今區內既需求呢?

睇完呢篇文章之後,覺得小編言之有物既,大家不妨讚好同分享,又或者留個言一齊就呢個話題切磋下,但大前提當然係要互相專重情況下交流吧!

廣告