繼去年加價3.14%後，盈利達113億嘅港鐵，今年又再加價3.3%！真係嬲到金鐘站扶手電梯都冒煙啊！
政府益港鐵嘅方法，又點止俾佢「可加就加」？例如小蠔灣車廠，根據地契政府本擁有發展權，可以全面興建公共房屋，但政府竟然選擇將達30公頃嘅上蓋地皮，「預設地」拱手相讓港鐵興建私人住宅。（詳情見）
港鐵盈利近年穩步上揚，而物業發展利潤於2017年更加按年大增2.65倍[註]，可惜物業發展收入大增，竟無助紓緩車費壓力，政府無檢討機制之餘，更配合港鐵物業發展賺錢大計！雖然政府上年有講過或會用地契條款方式要求港鐵將部分上蓋範圍起「公營房屋」，但明顯唔會全面「公地公用」，亦好有可能俾港鐵呢啲發展商決定佈局，將「公營房屋」放在最不利位置。政府一方面呻唔夠地起公屋，另一方面就將手上土地益港鐵，係咪係為「公私合營」「土地共享」試行開路？