Google 裝置和服務高級副總裁 Rick Osterloh 公佈，將會擴張集團在台灣的營運，並且於新北市成立新的研發中心，將之成為創意工程中心以支持集團的硬件開發策略。
Google已經定位台灣
有人問點解唔係香港？其實自2013年Google取消在將軍澳興建Data Center的計劃後，已經再無任何計劃係香港實行，原因好簡單，台灣已經盡得Google的信任，在成本同法制的保障下，台灣已成為Google東亞區的中心。六年前港府放棄吸引Google已等於永久放棄Google在港投資創新科技。
國家話香港要做創科基地？
無論施政報告定財政預算案，都用很大的篇幅講香港要發展創新科技，咁點解無任何大型科技公司在港投資？
事實上唔只Google，Facebook、Microsoft、Apple等大型科技公司都沒有在香港投資的計劃。就算全面擁抱中共，中國三大科技公司百度、阿里巴巴、騰訊都也完全沒有任何在香港投資計劃。
地產項目不能算創科投資
翻查過住兩年的財政預算案會發現港府最大的創科投資係土地，500億的落馬洲河套區，科學園搞劏房（創科斗室），數碼港第5期。雖未知成效，但過住科學園同數碼港變成豪宅項目實在有目共睹。筆者唔係話搞創科唔需要土地，不過IT人並唔需要一個園區先工作到，事實上香港好多中小型科技公司係觀塘、荔枝角的舊式工業區，而科學園同數碼港租金高昂、交通不便，更加唔使講更遠的落馬洲了。
Google係2013年提過香港土地價格高昂係退出香港的主要原因，其實好難想像世界最大企業無錢買香港的地。當時Google選擇將軍澳而非數碼港或科學園就明白到，科技企業根本不用園區，自行興建符合企業需要的建築物才是Google及其他科技公司的取態。
香港關係法的陰影
過住已經有不少報導，香港曾做白手套走科轉運科技物資到西方禁運的地區（朝鮮、伊朗）。目前關於中美貿易戰及香港關係法更是科技公司不敢來港的主因。試想想若取消香港關係法及取消香港作為獨立關稅區地位，西方的科技產品本身再難以輸入香港，更加不可能在香港投資研發其他科技產品吧？所以根本不可能再有外國科技公司來港投資。
最後只能靠funding
其實香港能發展創科產業的機會並不多，所謂的投資主要係創科局的funding同科技卷之類的小優惠，自己政府投資的小創科，想有大型外來投資相信時機早已過去了。