立即捐款
ads

生活

連Apple都要去做財仔!

連Apple都要去做財仔!
廣告

廣告

坦白講,Apple 3月的發佈會基本上完全無科技上的創新,或者係一尐已發展的創新科技搬去應用層面,連最基礎的Apple Power同iPhone SE2最後都不了了知。不過筆者覺得今次發佈會又唔係完全無話題可言的⋯⋯

特別想講Apple Card

今次真係好特別,Apple連信用卡都撈埋,一張所謂無號碼,甚至可以係無實體(嗰張實體似乎只係紀念卡級別),只存在於Apple device 內的信用卡。

技術上有無突破?

筆者的基礎級別的信用卡知識當然明白唔一定要銀行同信用卡公司的分別,同Visa、Master機構合作到,任何公司都可以出自己品牌的信用卡。

無號碼只係兩套系統的溝通技術改變

無號碼無實卡其實都唔係乜野技術突破,其實paywave 發展咗好耐而且非常成熟,配合Apple pay其實已經做到帳戶加密的效果。即係如果你用Apple pay俾錢,商戶根本唔會知到你碌梗邊張卡。係呢個基礎下,其實所謂無號碼已經有基礎,相信只要根據Apple ID對用戶有適當的分辨,有個人獨特的Machine Code,配合iPhone內的virtual sim card,要做到無號碼並唔困難。

由創意變成掌控

其實今次Apple出Credit Card,筆者係感到猜疑。其實近年Apple在實踐創意方面已不能領先,今次出credit card令我感覺係只為Apple的營利著想,發展信用卡之後其實好多銀行服務Apple都可以以科技的體現出來,相信Apple借錢、存款、買賣股票由Apple黎做並唔出奇。

封閉平台的優勢

問題係點解要有咁樣的轉變?其實人類未來由科技掌控是一種趨勢,只是科技公司發展其他業務,或是其他業務發展科技之別。在科技公司中,亦只有Apple這種發展封閉獨立平台(iOS、MacOS)的科技公司有條件發展配合自己的其他業務,因為只有封閉平台,才能專制獨裁地拒絕其他科技公司的協力發展,就正如過住30年Apple的科技發展定位一樣,不受Microsoft為首的PC社群影響,獨立發展一個個人電腦社群,在這一點Apple從來未變。

廣告