立即捐款

政經

如何令全港的升降機都不安全?一個利益輸送的實況

如何令全港的升降機都不安全?一個利益輸送的實況
廣告

廣告

故事由財委會講起

係2018年11月23日,機電工程署向立法會財委會申請一筆非經常性開支,署方話「為提升升降機的安全及進一步保障公眾安全,我們需要協助社區進行升降機優化工程 。 就此,我們會提供經濟誘因和適切的專業支援予有需要的私人樓宇業主。」,所以就向立法會申請25億俾公眾申請優化升降機,更新及優化4項必需及3項按實際情況需要全港升降機要加裝的裝置。

咁好的惠民設施,點可以唔支持論?

所以係2018年12月7日,不論泛民建制都全票支持呢項開支,而此非經常性開支亦順利通過

突然所有升降機都違安全指引

係開支通過後不久,機電工程署就即時修改指引,要求沒有第一至第四項升降機需要額外保養,否則就會違反安全指引。根據署方的資料,香港近八成的lift都無安裝防止機廂不正常移動的裝署(第二項)及防止機廂向上超速的裝置(第三項),所以香港應該好多法團或者管理公司都會收到信。以筆者住的屋苑為例,每架lift每半年要做一次額外保養,而每部lift每次保養需要大約$10,000。

大家需要留意的係香港每部lift都有由機電工程署簽發的准用證(每部升降機都一定會貼上),呢張准用證本身就係lift有妥善保養嘅證明,今日機電工程署突然加新指引,要升降機負責人額外比多啲錢去保養升降機,本身已經係非常不公義。

但為咗唔使每半年俾$10,000,唯有盡快申請資助

咁仲有資助計劃

資助計劃其實由市區重建局負責,每部lift涉及嘅工程保用服務費只可以比到六成,其餘嘅要有市民負擔。而且每一部lift嘅資助上限只係港幣500,000 ,今日我同屋苑嘅升降機保養商一齊去聽講座(冇錯,其實連保養商都未清楚計劃嘅內容。)保養商口頭同我講,保養價錢根據唔同嘅lift種都有唔同,不過乜嘢lift種都好,要加晒四樣安全裝置至少要300,000。而我屋企嘅口頭報價係每部lift大約900,000左右。

其實條數好易計,知道政府最多資助500,000 ,保養商梗係開900,000報價,然後你攞六成資助大約500,000左右啦。所以可以相信基本上每一部lift 都要夾大約400,000左右去完成今次嘅保養同埋符合安全指引。即係話其實全香港市民,只要你住果幢樓有lift,每部lift你全座大廈就要夾400,000左右,咁就要睇你好唔好彩,如果你坐大廈多住戶咁咪夾少啲有,如果你坐大廈得10零個住戶嘅咁每人咪夾40,000-50,000囉。

條數係咁計的

全香港有66,000部lift,有八成需要額外保養,即係大約52,800 㗎,每部lift資助500,000 ,咁即係總數要26.4億。但係其實立法會嘅文件只係批咗25億,都算同文件相若,所以部呢25億就直接落咗升降機保養商嘅袋啦。

你可能覺得東大嶼填海萬億工程唔使夾錢,高鐵大白象千億工程又唔使你夾錢,其實香港交足稅就OK啦?實際情況係香港政府咁仆街點會輕易放過你,一個表面嘅惠民計劃「升降機優化工程」就已經令每個香港有搭lift嘅市民夾錢做維修保養啦。政府洗錢點會唔關你事?

廣告