（獨媒特約報導）這天是清明節，在柴灣興民邨的天橋上，有位22歲的女生正在派發傳單，傳單內容是「工作報告」：她最近上了立法會公聽會，講述興民商場變賣對居民生活的影響。她嗌咪時顯得不自在，不自覺地左搖右擺，身邊的義工著她放膽。她暗自說了聲：「哎，好核突！」然後就硬著頭皮說：「大家好，我係謝妙儀……」
她是Anna（謝妙儀），她沒有黨派，是興民商場關注組「山民主義」的成員，正在積極考慮參選來屆的區議會選舉。在這個民建聯從未嘗一敗的選區，她說，即使以卵擊石，亦起碼盡力過。如此堅持的背後，一切源於2016年商場被變賣的事。
從前的認知：區議員只是活動搞手
這一切還未發生之前，Anna說自己是安份守己的那種人，不習慣走在最前，對時政的認識流於在網上看看動新聞，或是通識科課堂上的認知。甚麼是分組點票？不太清楚。甚麼是區議員？從小居住興民邨的她，當區區議員先是民建聯的趙承基，然後是劉慶揚。在她的認知裡，區議員只是廉價活動的搞手：「冇見過佢。覺得佢好鍾意出banner，同埋搞旅行，仲有細個參與過10蚊影證件相，冇啦。」
興民成孤島與醒覺的逼切性
後來的雨傘運動，她參與過。雖然運動在她心中播下種子，但議題太多太遠，未有即時將思想轉化成行動的推動力，「會睇新聞鬧吓，但係唔會Action。」直至2016年年底，她從《獨媒》得知領展將興民商場變賣，落腳多年的商舖也得離場。從小居於興民邨的Anna，這次才逼切感受到影響：「雨傘係一個好大嘅議題，但係，當啲地區議題未燒到埋自己嘅時候，嗰種醒覺嘅逼切性係冇咁大。」
因為，被變賣的不只是商場，更是興民邨邨民的生活。
2016年5月31日，領展以2億出售柴灣興民商場予傑豐香港有限公司，商舖逐一離場，包括當時的牙醫診所、中醫藥舖、麵包店、餐廳、老人院、洗衣店、髮型屋、香燭店、補習社，以及連鎖經營的百佳、萬寧、7-11都需撤出。興民邨位於大潭道的山上，這些商舖離場後，居民買一碗粥、增值八達通，甚至只是一罐汽水，都要到柴灣或筲箕灣才能購買日常所需，Anna不忍的是邨內的老人和殘疾人士。他們不是Anna的親戚，只是大家認得彼此，見面會打招呼：「有幾個婆婆認得我，係由幼稚園，睇到我宜家出嚟做嘢啦。」商場變賣，他們以後可以到哪裡買熱食、看中醫呢？「我覺得係好離譜，而家應有嘅配套冇晒。房署同區議員應該做啲諮詢、同你講個商場就嚟要賣，通知居民。我識上網就話啫，啲老人家完全係比我更加遲先知道。」她說。
組居民關注組派飯、入信 始明白區議員能做得更多
後來，Anna和幾個居民自發組成「興民邨山翠苑居民關注組」——「山民主義」，沒有想過要挽回商場凋零或變賣的事實，只想發佈消息予邨民：「區議員唔講，咪我哋自己講畀啲邨民聽！」
他們擺過街站、製作過問卷，又在興民商場對出的房署用地派發飯盒予長者。除此之外，他們更經東區區議員徐子見的幫助下，成功在東區區議會上向政府部門提出過商場變賣帶來的問題，又曾入信到立法會申訴部，甚至到七一遊行嗌咪；今月初，Anna更在立法會房屋事務委員會公聽會上發言，向公眾闡述興民邨的狀況。
如此種種，Anna漸漸體會到區議員的重要：區議員可向房署申請地方派飯，又可以在區議會上反映邨內的問題，向政府各部門作出查詢，甚或擁有擺街站的物資。這些都是居民關注組成員和區議員的分別：「如果你係一個普通市民去入信，好大機會係冇人會理你嘅，唔通吓吓都打1823？其實入信去（立法會）申訴部，都係要透過一啲議員教你、幫你。」
考慮參選：有心就會做到
Anna明白區議員的重要，卻沒有人出來挑戰。她在徐子見多番鼓勵下，才決意考慮參選：「諗住有人選就支持佢，不過冇人選。」
她笑說自己乳臭未乾，家人最初也笑言：「你憑咩？」大概是一份為邨民的初心：「我有信心一定好過劉慶揚。其實有心嘅人做嘅話，就點都會做到嘅。如果我同劉慶揚比，我覺得我冇一樣嘢係輸畀佢。」至少，她自信可做到資訊透明，讓邨民知道最新消息。
傘後當選東區區議員的徐子見，訪問當日親力親為協助Anna
然而，她也知道民建聯在邨內的網絡強勁，而且資源豐富。她說標上劉慶揚的買餸車在街市也隨處可見，劉每逢佳節都宴請居民、舉辦旅行團。因此，有心都要有策略，徐子見將多出的月餅和年糕，供她派發予居民：「呢啲係好民生嘅嘢，係最快可以直接幫到佢哋嘅嘢。呢度都係工具，去接觸老人家。」
機會渺茫也無妨：起碼出過力
現時，Anna盡量把握工餘的時間擺街站，讓居民多認識自己。然而，將時間都放在這事上不一定有回報，路經的街坊不一定有積極正面的反應，有時也會令她感到灰心。雖然徐子見上屆勝選振奮人心，但她依然覺得自己機會渺茫，只能等待奇蹟發生。
東區區議會興民選區於1994年設立，範圍包括興民邨和興華一邨，一直由民建聯區議員當選。上屆也有社工張駿邦參選，最終劉慶揚以2470票對1391票成功當選。2011年又有社民連何慇榮參戰，最終亦同樣落敗。
誰會傻得堅持打一場機會渺茫的仗？她的動機大概就如當初的關注組一樣，即使無力扭轉商場變賣的事實、居民的反應冷淡，號召街坊靜坐抗議，最後只有寥寥數人出席也無妨。他們依然為心中的信念而行動。她相信即使力量微小，這些實踐依然重要：「唔試就一定唔得。試咗唔得，起碼出過力。選到選唔到又好，知道自己做緊咩就得啦。」
至少，這屆有人勇於挑戰現任區議員，希望能帶來更好的地區工作，無論結果如何亦無悔：「我本身都係唔係太想講嘢、好怕面對人嘅人。但係，有人踩到上心口，就一定要出聲。」
記者：顏寧