立即捐款
ads

鍾劍華

理大應用社會科學系助理教授/理大社會政策研究中心主任 網誌

生活

後生真係冇着數!仲要係女添!

後生真係冇着數!仲要係女添!
廣告

廣告

所知其實不多,係這件事爆之前,我連個女主角叫乜名都講唔出。

只不過覺得奇怪,也覺得巧合。
點解與香港今日的情況咁相似?

發生乜嘢事,梗係後生嘅孭晒,或者起碼孭重啲。

至於大人,或者應該食鹽多過食米嗰啲,梗係深明大義、忍辱負重、一時衝動、已經知錯、應該俾個機會佢………

至於後生嗰位?重要係女人?

記得以前睇過一個研究報告,原來呢個世界好多地方都有類似嘅發現。同樣都係殺人,如果殺人嘅係女人,大家會義憤好多,因此女性犯大罪被判重刑甚至死刑嘅機會原來也大好多。唔係淨係話原教旨主義那些國度、唔係淨係話非洲原始部族、唔係淨講中國大陸喎!

呢一次,如果話係個相對口靚D嘅妹採取主動,咁就梗係佢姣、梗係佢係仔都溝、梗係佢不知自愛、梗係佢自毁前程、梗係佢累人累物……

咁即係唔關個大佢廿歲嘅男人事啦。佢咁成熟穩重,又有事業基礎、又有個深明大義的老婆,又有咁多撐佢嘅豬朋狗友,佢點會衰鹹濕?佢肯定係受害者!就算佢有少少錯,大家都唔應該放棄佢!

肯定係個後生果個,梗係個女衰晒!或者起碼衰大份!扺佢孭晒!

真係咁簡單?我懷疑囉!

廣告