立即捐款
ads

政經

用賣港權貴相比,真係侮辱咗陳淑莊囉

用賣港權貴相比,真係侮辱咗陳淑莊囉
廣告

廣告

我知道實會有人問,如果生瘤嗰個係梁振英,大家齊齊慶祝,咁又有咩資格鬧人咒陳淑莊呢?

呢個邏輯,其實同左膠成日問,點解美國人受恐襲你就同聲一哭,啲非洲小國死好多人你就冇聲出?所以你哋連為美國人哭的資格都冇。

荒謬是一樣的。梁振英就不是陳淑莊,兩者冇得比。一個十惡不赦嘅人,你無能力收佢,最後真係個天收佢,雖然我哋都係咁無能,但都會開心到不得了。就好似睇大時代大結局,見到丁蟹最後全身 cancer 死唔去一樣,觀眾當然有快感,唔通觀眾見到玲姐死嗰集會有快感呀?

個問題係,無論你係咩派別,就算係一啲親建制人士,佢生前冇做過十惡不赦也冇講過啲唔係人講嘅說話,佢有病或死咗,有冇需要慶賀埋一份?我個人係唔會,但心中有個 list,係會。當然,我又阻止唔到人咁做,但點解有啲人走咗,好似759個老闆林偉駿走咗,人人悼念呢?我諗,呢啲,就係最簡單易顯見的因果。

慶唔慶賀,與及發賀文會引起幾大反感,其實就係反映那個人在生命裏做過什麼,得到什麼名聲。秦檜夠晒慘啦,死咗咁多年都畀人拿出來鞭屍,相反,最講民族主義嘅中國人,會唔會攞異族康熙出來臭罵而得到廣泛認同?冇乜囉,佢哋只會話佢令「中國」強大。

陳淑莊唔係咩聖人烈士,但搵梁振英或呢十幾年最賣港嘅一班權貴來跟她相比,真係侮辱咗陳囉。

題為編輯所擬

廣告