人生無法預測，太多突發事令人難以接受…
好難想像一個細細個你就留意開、你打機用過、你有佢件波衫、甚至呢十幾年嚟曾經喺腦海中留低好多回憶畫面嘅球員，連再見都講唔切就突然離開咗大家…
35歲，足球場上已經係老將，但人生路上，佢仲好年輕。即使真人唔認識雷耶斯，但畢竟係一位由細個留意開嘅球星，點都好難接受…
無論係喺阿仙奴獲稱為「西班牙電單車」嘅年輕時期；定係當年外借去皇馬喺最尾一輪梅開二度反勝對手，最後以對賽成績壓過巴塞贏聯賽冠軍嘅威水時期；甚至係再次為母會高舉歐霸盃冠軍以紀念已逝去隊友佩亞達嘅西維爾時期，20年嘅職業生涯入面，總有一個時刻你一定會記得雷耶斯呢個球員。
估唔到咁突然要講再見，而呢次再見就真係唔會再見嘅意思。
R.I.P