立即捐款

只會指指點點的加國超級漢奸

只會指指點點的加國超級漢奸

題為編輯所擬

李婉華喺加拿大中文電台主持節目時,播出《願榮光歸香港》,竟然惹來當地華人不滿,電台事後收到不少投訴,更有傳她被迫封咪。

呢個世界有咩人無恥賤格得過呢啲投訴嘅華人呢?呢班人點解會移民去加拿大?根本唔係貪戀人哋嘅普世價值,只係逃避共產黨嘅管治,逃離地獄鬼國,恐懼共產黨,所以佢哋一早就移民走咗,對住人哋國家宣誓兼唱國歌,攞埋護照上晒岸。

好啦,當香港畀共產黨搞到今日嘅墮落,冇得走、走唔到、未諗過香港真係變成咁、冇諗過走或者當時未出世嘅香港人,群起力抗,拼盡血與汗,冒着極大風險,包括被警察和黑社會合力恐嚇、毆打、濫暴濫告、嚴刑迫供、被藍屍起底恐嚇等等嘅威脅,仍然奮勇抗暴,呢班身處民主自由堪稱人間天堂嘅加拿人嘅華人,竟然指指點點,唔贊同抵抗,仲要鬧抵抗嘅人,投訴支持抵抗嘅人,都堪稱最無恥賤格。

如果呢批華人當中,仲要有來自香港嘅,就簡直係超級漢奸。秦檜堪稱史上第一漢奸,但佢賣宋,唔准抗金,自己都叫求得功名,都叫做滿足私利,依家呢班加國華人,就好似一早因為避金移咗去東瀛扶桑,然後鬧岳家軍做乜抗金一樣,自己一啲着數都冇,自己走甩咗又唔畀人反抗,真可謂超級漢奸。

呢啲人根本唔支持西方嘅民主人權自由價值,加拿大幾時吊銷佢哋嘅護照,免得樂土受污。