攬炒之母林鄭月娥真係名不虛傳,到今日都唔封關,依家明顯已有社區感染,各行各業包括自己都受到沉重打擊。不妨睇吓呢個核爆級嘅連鎖反應究竟有幾廣幾大:
所有私人教學(畫室、琴行、補習社、興趣班等):長期停課不特止,依家根本無人敢去上堂。
表演場地相關:如劇團、音樂表演、戲院等,很多場地都關閉,戲院唔閂都少人去。而好多劇團的部分收入來自教學課程,但呢啲又停晒。
食肆:口罩唔夠,街都要少出,就算有口罩,食嘢係冇辦法戴口罩,食肆自然少人幫襯。
酒店/旅遊/零售/旅遊巴/飲食:都唔使多解釋,冇遊客來,本地人亦都唔會亂出去,五個互有關連的行業一定係攬炒。零售除咗藥房同超級市場外,都唔會有人敢買嘢,特別係貴價品,留返個錢好過。
物流:大部分行業都死,物流需求也自然減少,藥房同超市除外。
公共運輸業(特別是的士/Uber/小巴):既然少出街,也自然少搭車,最支持政府嘅大部分的士佬首當其衝。
地產:好啦,啲租咁貴,一係就減租,唔減租就空住個鋪冇人租,事實上減租都未必捱得住,減少少更加無補於事。所以租金一定下跌。
至於樓市,大家都期望佢跌,諗住執平貨,但好多嘢唔能夠複製,事後孔明話再嚟一次沙士實買樓,但全港大攬炒,你可能有親人染病冇心情理,連鎖效應下你失業又朝不保夕,平貨在前你真係有能力有膽入市?何況2003年樓市係承接九七金融風暴的殘價再打殘一次,但呢十幾年樓價係由大陸人炒起,也好多人係供第二層樓做投資,跌是會跌但跌幾多真係冇人睇得透。
而這次不單係香港嘅事,環球爆發,好多地區冇咗大量遊客,亦都會發生以上連鎖反應。香港經常要背靠大陸,大陸呢次都肯定損失慘重,內外夾擊,所以亦都好多其他企業受到影響。好運嘅話,過得了疫症,又會輪到裁員減薪倒閉潮。
這才是真正全港大攬炒。反送中時有啲人話慘過沙士。依家就話你聽,咩叫慘過沙士。
多謝林鄭月娥,多謝佢統領嘅香港史上最廢最毒嘅政府。

