立即捐款

【專訪】沙田41缺1 謝潔泳重返校園 望更多人守護社區

【專訪】沙田41缺1 謝潔泳重返校園 望更多人守護社區

(獨媒特約報導)去年2019年區議會選舉,沙田區議會41個民選議員,只有「帝怡」由建制派民建聯林港坤當選,原因為當區民主派「撞區」。停學半年參選的素人謝潔泳,雖續任沙田區議員助理,但重返校園的她明言會專注學業,寄望更多居民走出來守護社區。

(編按:訪問於武漢肺炎爆發前完成。)

仍在城市大學就讀政治學系、年僅22歲的謝潔泳,2018年暑期實習開始,在帝怡區任職社區主任一年,反送中運動爆發,她毅然停學半年,參選區議會選舉。

撞區終致落敗 發現居民對社區的愛

然而在區選中,她與民主黨劉青「撞區」,最終謝潔泳得1,666票、劉青得830票、而民建聯林港坤則以1,923票獲勝。謝潔泳事後坦言,早已預計過會出現這個結果,亦感到失望,「唔係因為建制派多票贏,而係因為有另一民主派分薄票源而比人漁人得利。但我會覺得咁樣輸未必係一件壞事,因為我唔係輸關鍵一席。」

0X1A1109

雖然選舉有贏有輸,謝潔泳得到的卻是一份沙田人難能可貴的情,她堅信這種關係是要憑真心、真誠才能建立,「開頭以為佢哋(居民)都係得閒先嚟幫手派單張,到我輸果一刻見到佢哋喊,先知原來輸嘅唔係得我一個,大家係覺得成個區一齊輸咗四年,所以好心痛。究竟大家係有幾愛呢個區,先會唔係因為唔過半數而喊,而係單純因爲輸左帝怡」。

謝潔泳認為,選舉結果顯示民主派協調機制存在巨大缺陷,雖然事後民主黨立法會議員林卓廷公開道歉,但謝潔泳指自己不應是道歉的主角,而是當區居民,「應該問佢哋係咪接受道歉,呢一區輸咗四年,最大嘅受害者一定係當區居民。」

除了輸撞區,謝潔泳亦或是因為自己感染力未夠,「選舉後聽到最多就係如果我當初唔係咁猶豫,投埋你,或幫手助選,可能就能為民主派爭多一席位。」

擔任「搞手」守護社區 盼眾人繼續僅守崗位

回歸校園的潔泳稱,現時仍有在黎梓恩區議員辦事處任兼職議員助理,但目前希望先專注學業,「街坊成日問我仲會唔會返嚟做,我都會話想完成學位先,但有咩要幫手都可以搵我,我都好願意幫你地。」

區議會選舉結束後,謝潔泳繼續不時在區內舉行活動,例如派月曆、即場寫揮春等,她笑言可以稍為放下身分,「依家大家睇可能我同其他議員一樣,都係寫揮春派月曆、做節開心下。但其實我自己睇係街坊想做下節,問下我有咩活動搞,想嚟幫下手,咁我好似搞手咁,組織大家做一些事」。

謝潔泳續指,當初由她決定參選那一刻開始,她已經給自己一個清晰定位,不想想單靠自己贏得一個議席,而是希望用個人感染身邊的居民,令她們思考可以為社區做些什麼,「我覺得居民有很多能力為社區付出,但好多時候就係欠缺一個領頭人或一個感染到佢哋走出嚟為社區服務嘅人」。謝潔泳希望往後即使有沒有職銜,也繼續感染居民為社區付出,看看大家能為民主做多少。

0X1A1078

去或再戰?

對於下屆會否續戰,她沈默片刻回答:「下一屆太遙遠了,坦白講而家局勢咁大變化,下一屆仲有無民選都成問題。一年後我都畢業了,畢業後嘅去向,我會繼續重政或有其他事想做,我仍有很多構思。我唔敢咁快答應大家,否則會很不負責任」。

她亦寄語今屆當選的區議員,「反送中運動終有結束的一天,希望當選區議員即使運動結束,仍能做好溝通橋樑,否則民主派支持者一旦失望,下一屆可能又不會投票。」

記者:文海欣