19/2 政總 新公務員工會集會
＊ ＊ ＊
「係你地一開始閂埋左度門先嘅！」
顏武周交代工會已嘗約見公務員事務局，豈料局方連派一個人都欠奉，只是發信回覆，謂警方駐守檢疫中心和封鎖線，負責突擊檢查，保護衣等裝備乃按風險分配（cutt.ly/br1Sjus）。
然而顏武周答若論接觸，消防處和衛生署的醫護風險更大，需求更殷，裝備卻不及警察，質疑親疏有別，要求一視同仁。
「公務員發聲會俾人講違反政治中立。但警察鬧政務司長，政府冇講過一句說話，反而要見佢地。我地要求見面，政府有咩回應？香港人唔係要求啲乜嘢，只係要求政府公平。只有制度上嘅變革，市民同政府嘅關係先得以修補。」
顏武周又認為醫護的罷工沒有失敗，他們負上最大的風險守護香港，才迫使到政府封關泰半。「應承我，如果佢地受到任何打壓，一齊企出嚟守護番佢地。」
他亦間接提及梁天琦，「我唔知講出嚟有咩結果。幾年前有個人行出嚟，喊出一句口號，面對幾年監禁。但今時今日香港，每一個都叫緊依句口號。直到今日，佢所行嘅路都未行完，係咪代表當時佢講嘅口號唔成功？」
「喺達到最終目標之前，所有行動都可以當成失敗。但如果冇之前嘅累積，係唔會去到最後嘅成功。我地只能夠團結，繼續行落去，唔好放棄我地嘅手足。應承我，直到最後一刻，都要一齊企出嚟！」他希望所有朋友都加入工會，準備將來更大型行動，「只有團結我地先有機會贏到。」
＊ ＊ ＊
在路政署工作的謝女士揮舞著新工會旗幟。
「唔需要隱瞞身份。舊嘅工會幫唔到新仔，入工會係想團結我地嘅力量。」
＊ ＊ ＊
多人以標語和應在尖沙咀與中環下跪的抗爭者，呼籲同胞不離不棄，莫失莫忘。
集會民眾似受其所動，逾五百多人到場迫滿政總，部分人須走上添美道石壆，在疫症爆發後難得一見。
＊ ＊ ＊
兩名中二學生不滿政府資源偏袒警方。「當醫護用生命值硬接嘅時候，警察企得好遠。點解而家醫護去到要自備口罩？我唔明白啲裝備唔畀醫護畀警察，好似叫學生帶老師返學。」
現時警察會刻意針對截查後生，他倆雖坦承擔心，「驚就梗係驚，但如果唔出嚟香港點算呀。」