今集《鏗鏘集》踢爆好多防疫產品效果欠佳,其中一個叫AQ的牌子聲稱產品全天然,但最後驗出含化合物氯己定。真係睇到大快人心。
老實講其實我唔知AQ咁出名,因為小弟醜醜哋都係個理學士,有時聽到啲朋友講呢啲偽科學,我會問好多問題,然後啲人答唔到就會話「同你講晒氣,你乜都唔信」,我就覺得好好笑。特別係那個掛在胸前聲稱可殺菌的「盾牌」,好早已有人買又好早有人問我覺得有冇效,我唔使測試都可話你聽,在室外一定無效。好多時啲人會同我拗,但所有同我拗嘅人都係讀文科出身嘅女士,一班成世未讀過科學嘅人同一個有理學士學位嘅人拗完仲覺得自己好啱,你話好唔好笑呢?
節目當中,AQ個負責人話,佢哋嘅市場主要係針對女性。我睇到呢度即刻笑咗出嚟。個道理好簡單:女人真係易呃啲。我嗰個年代仲分文理班,理科班得三分一女仔,文科班就四分一男仔,所以好多女仔可以話從來冇任何科學訓練,而對於化學呢啲完全睇唔到觸摸唔到咁抽象嘅嘢,佢哋完全無法想像。又,如果你已經係一個爸爸,你應該幾清楚,一講到同孩子有關嘅嘢,你個女人就會失晒理智。
睇完其實最感觸係,立咗國安法後,如果AQ個老細係人大,呢一集嘅製作人員就會被報復式舉報,因為個品牌係做防疫,呢啲節目係「肆意抺黑」、「無中生有」、「立心不良」、「為抗疫增添負能量」因而是「危害國家安全和穩定」,禁播並全部拉去受審,然後廣大市民繼續使用聲稱天然的化學品,並歌頌偉大的黨。
題為編輯所擬

