立即捐款

兄弟爬山各自努力,有冇過時?

兄弟爬山各自努力,有冇過時?

立會去定留,我沒有時間梳理意見,故選擇不評論。但看到個別討論集中咗喺個人工到,就有啲疑問。

之前很多人對某些抗爭的意義不明所以,覺得「咁做有用咩?會贏嗎?」,後來看到一些文宣解釋,原來那些行動的目的是:「增加政府管治成本」。

咁如果呢一招仲係on list嘅話,咁留任就係大大增加政府管治成本,包括人工、官員回應的時間、政府官僚要做好多文件、議會抗爭增加立會開支成本等。咁如果全部唔留,政府慳返好多錢,民主派嘅抗爭資源大大減少,養少好多同路人,同時佢出嘅錢會大大幫助保皇黨,形成此消彼長之勢。到時成個會很快就開完,即係啲官員同保皇議員嘅工時縮短咗但人工照袋,變相加薪,可以早啲返歸瞓唔使喺個議事廳瞓咁出醜……

咁即係大大減少政府管治成本喎……

區議會大勝後,抗爭上做到了什麼?礙於政府官員、警方的打壓,抗爭上嘅成果真係乏善足陳,但人人都知道抗爭派多了資源,養到少少手足,開會可以炮轟吓鄧炳強……。

或者都唔使講咁多了,呢啲好多人都識講;或者你真係好有原則,我予以尊重。你支持辭退還是留任,無關重要,只係想知,增加政府管治成本、兄弟爬山各自努力、Be Water等,有冇過時?

但無論個答案係乜,我真係唔覺得呢場爭拗要去到你死我活咁嚴重!

題為編輯所擬