(獨媒報導)北區區議會地區設施及文康事務委員會昨日舉行會議,有鄉事派背景的北區文藝協進會提出16項活動撥款申請,總金額近14萬元。鄉事派及建制派區議員同為協進會「求情」,稱「俾個機會協進會再繼續舉辦活動」。
惟曾參與協進會書法班的新民主同盟林淑菁指,當時班上只有「兩條友」;北區連線袁浩倫亦指30年來,住在天平邨「都無見過佢哋宣傳活動」,「其實佢哋有無搞班,依家真係已經查究唔到。」最後會上以9票反對、6票贊成、2票棄權否決協進會的全部撥款申請。
鄉事派背景「文藝公司」 申撥款搞興趣班
位於上水天平邨天賀樓地下的「新界北區文藝協進會有限公司」,於1980年成立,向北區區議會提出一共16項藝術文化興趣班的撥款申請,金額總共137,415元,活動包括西畫訓練班、國畫班、書法班、社交舞班、東方舞班、兒童中國舞及拉丁舞班、中樂訓練班及中樂鑼鼓訓練班。
查看北區文藝協進會的官方網頁,第十六屆執行委員會(2016-2018)會長為鄉事派前北區區議員侯金林,主席為粉嶺圍村長、前北區區議員彭振聲。
北區連線袁浩倫反對撥款,「本人居於天平邨30年都真係唔知佢哋做乜,我就建議唔好批俾佢哋喇!」鄉事派李冠洪回應指,「頭先有議員講佢唔知有個咁嘅北區文藝協進會,呢個可能係一個比較老牌嘅會啦!」
北區文藝協進會Facebook專頁稱,「為區內不同年齡不同需要的居民提供多姿多彩的文藝欣賞和學習活動,藉以培養和提高居民對社區的參與及歸屬感。」惟李冠洪似乎不熟悉協進會的理念,他指該會的服務對象是「上咗年紀嘅人士」,「可能後生仔就未必有活動啱佢哋」。
李冠洪續稱「佢哋嘅撥款申請已經縮減咗好多架喇」,認為不應貿然否決,建議檢視他們過往舉辦的活動有否違規,才作決定會比較公道。他又指,一些活動如國畫班,「其實社區都係有咁嘅需要。」
工聯會温和達稱,缺席會議的鄉事派李國鳳委託他支持撥款。温指對他而言,協進會舉辦的「琴棋書畫(活動)喺後生仔無咁普及」,又指過往活動多在學校進行,他也曾到訪於鳳溪第一中學舉辦的活動,參與者大多是長者。
温和達指如果認為活動不夠好,可以提出改善方法,他舉例稱「或者個場地唔好吓吓都要喺鳳溪中學,有無第二啲小學都容許佢哋借,甚至去到沙頭角都得架!」他又認為「佢依家申請咗,我哋係應該公允啲,要支持佢哋進行」,指始終有受眾接受他們的服務。
鄉事派侯福達一邊批評協進會「多數都係鳳溪啲校長攞咗嚟做委員」,但另一邊又說「佢哋個構思唔係好差,因為佢都有舞蹈班」,認為不應一刀切否決撥款,「有啲項目唔需要就唔批」,「協進會喺我哋區都做得有聲有色嘅!」
民建聯高維基亦指「比較少人參加呢啲班,係咪因為宣傳問題呢?」,認為可以「俾多啲建議、推廣活動」,勸喻在座委員「大家可以再諗一諗,俾個機會協進會再繼續舉辦活動。」
民主派質疑活動真確性
新民主同盟林淑菁稱自己約20年前,曾參與由協進會舉辦的書法班,當時參加者只有她和另一名讀小學的「?仔」,「就兩條友喺度寫喇!」林提到協進會「點名」的名單是「齊晒人」,她感疑惑,「究竟點名嘅真確性有幾多呢?」
袁浩倫回應指,「有乜理由30年以嚟,喺天平邨住我都真係無見過佢哋宣傳活動、同埋唔知佢哋搞啲乜呢?你講唔通架嘛呢個!」
袁浩倫回應温和達指曾有活動於鳳溪第一中學進行的說法,「我就係讀『鳳溪一中』嘅,我讀書嘅時候6年都無見過有老人家出出入入,無留意到有啲咁嘅活動啵」,「佢哋有無搞活動我都真係質疑!」
撥款申請不獲通過
地區設施及文康事務委員會主席蔣旻正指,委員間意見有分歧,提出以投票方式處理,將協進會申請撥款的16個項目付諸表決。結果為6票支持、9票反對、2票棄權,棄權票為蔣旻正、劉其烽;蔣旻正宣布協進會的撥款申請不獲通過。
居天平邨30年長者:係咪運作緊我都唔知
年約60歲的天平邨居民黃先生向記者表示,他從1986年入住該邨至今,每逢吃早餐都會經過協進會門口,但從不知道協進會有舉辦過甚麼活動,「佢係咪仲運作緊我都唔知!」
記者現場所見,協進會接待處有兩名職員上班,她們表示現時因為疫情,所有興趣班均取消,又指平時會將可供報名的興趣班資訊貼於門口告示板上,「依家『限聚令』唔可以宣傳吖嘛。」





