圖片來源：旅發局
（獨媒報導）政府擬清拆部分馬鞍山村寮屋區，改建為私人住宅。昨日已是馬鞍山村村民連續第四個星期擺設街站，至今收集了逾千個市民聯署。從早上九時開站，到了午飯時間，村民高先生和王先生仍不願吃飯，「我唔肚餓呀」、「我都唔係好肚餓」，繼續在村口街站呼籲行山人士聯署反對改建計劃。高先生細讀馬鞍山村的礦場回憶，「呢個係馬鞍山精神，我覺得可以取代到獅子山精神。」
58歲的高先生是馬鞍山村土生土長的礦工二代，他的父親去年離世，曾是礦工中的「炮王」，即爆破員。高先生兒時在山頂讀幼稚園、小學，指馬鞍山村滿載回憶，認為除了沒有原居民的身分外，馬鞍山村與圍村沒有分別，因與左鄰右舍的關係非常和睦，「（礦工）第二代成日一齊玩，假日就一齊通山走、游水，就係咁度過童年。」同是礦工二代的63歲王先生，笑著指住高先生附和：「我睇住佢出世架！」
若改建計劃通過，馬鞍山村將被滅村，用作興建私營房屋。高先生不願馬鞍山礦場及礦村歷史就此消失，「獅子山精神講堅毅、刻苦、耐勞，不過係虛構嘅（源自電視劇），但係馬鞍山歷史，我覺得係真實嘅。」高先生見證馬鞍山的興衰，他指由最初由一個荒島、貧窮孤立，到最鼎盛時有5,000多人居住，形成馬鞍山村，「完全不假外求，全部靠自己、靠互相幫助。」
高先生認為父親的人生體現了刻苦耐勞的精神。高爸爸當礦工時全年無休，返工前返工後都是拿著鋤頭去開墾田地，或到沙灘打撈沙石用作起屋。礦場於70年代結業後，高爸爸有份興建地下鐵，後來則賣豆腐花。有一件事，高先生指他不會忘記。他曾在大熱天時，駕車回家吃午飯途中，看見父親身穿白色長袖恤衫，沒有扣上鈕扣，沿村路擔著豆腐花到山下賣。膚色黝黑的父親滿身大汗，高先生問：「爸爸，不如我車你落去吖？」父親一口拒絕：「唔得。」因為豆腐花在車上一晃，就不成形，無法賣了。
擔挑一邊是豆腐花，一邊是碗。高先生留意到，擔挑以布麵粉袋包住，墊在父親的肩膊，「左膊轉右膊，佢轉膊嘅時候，我見到嗰塊布有血。」高先生的聲調低沉下來：「轉膊嘅時候，個膊頭有一個五蚊銀大嘅皮，刮到變曬鮮紅色。」他頓了頓，「我好敬佩佢，但亦都好痛心，呢種堅毅我呢世都會記住。」高先生相信：「呢個係馬鞍山精神，我覺得可以取代到獅子山精神。」
綠化地帶建房屋 憂開先例陸續有來
擺設街站途中，高先生和黃先生有聽到反對聲音如「你呢到都係得嗰10零戶，你哋唔好阻住政府發展啦！你地快啲搬啦！」、「邊有影響郊野公園呀？畀少少人哋住啦！」聽到類似意見，他們直言感到難過，「如果起公屋，犧牲少少村民，可以幫到咁多人，我哋願意。」他們又認為，在綠化地帶興建房屋，將失去其作為市區和近郊發展區界線的緩衝作用，「先例開咗之後，將來陸續有嚟......」
「理性咁講，我都預咗保唔到，因為今時今日嘅政府，我唔覺得佢會聽我哋市民講。」高先生認為唯一能做的，就是在16號之前做申述，他希望城規會願意聆聽市民的意見。「如果唔咁做嘅話，我驚我百年歸老時同老豆講我保唔住我嘅家......要盡力，否則會遺憾。」