(獨媒報導)「羊村入面有十二位勇士因為大灰狼嘅迫害,而被迫離開佢哋屋企。十二位勇士連同屋企人講『拜拜』嘅機會都冇……」繼兒童繪本《羊村守衛者》,事隔半年,香港言語治療師總工會創作第二本兒童繪本,名為《羊村十二勇士》,訴說「十二港人」一事,繼續將「真相」傳承,抗衡洗腦教育。
香港言語治療師總工會外務副主席 Melody 說,《羊村十二勇士》要與《羊村守衛者》連貫閱讀,《羊村守衛者》談及為何「羊咩咩」(抗爭者)想維護自己的家(香港),「力戰大灰狼」(政權)。《羊村十二勇士》則代表清算開始,「政權步步進迫,今次隨機揀呢12個,咁啱畀人捉咗嘅係佢哋,唔擔保下個係咪你」。
繪本給予喘息空間 同路人一起渡過悲傷
他們今次繼續以粵語入文,經過上次創作繪本的經驗, 寫故事對他們來說不再是考驗。不過創作時,Melody 總會問「如果我係佢哋,究竟會經歷咗啲咩?果時出海佢哋心情係點?」
Melody 相信大家與她一樣,被這些疑問充斥腦海。她認為繪本能給予大家一個喘息空間,因為繪本內容可以自由想像,「十二港人被滅聲,返到嚟可能永遠都講唔返呢段傷痛經歷。描繪咗出嚟後,感覺係大,好多痛苦我哋唔敢想像,但希望呢本繪本能夠陪大家行落去,大家都必須面對呢個情緒」。
“ 如果你係羊咩咩,你會唔會一齊用盡辦法,堅持去幫手拯救十二位勇士呢? ”
故事以此作結。同樣是開放式問題,但今次 Melody 非常疑惑「你叫我問小朋友有咩可以做,我都唔知,我都諗緊,畢竟而家連大人都好無力,但始終都要面對」。工會主席 Lorie 則認為,由小朋友發揮小宇宙,可能會有更意想不到的方法:「小朋友不知天高地厚,有時佢哋可能畀嘅方法仲多」。

香港言語治療師總工會 (左)外務副主席 Melody、(右)主席 Lorie
十二港人事件未完結 盼港人繼續關注
深圳鹽田人民法院雖然上月已就十二港人案判刑,其中兩名未成年港人黃臨福及廖子文,亦已返港並被移交至香港警方。 Melody 認為,一切並未完結,他們仍然要面臨審訊或內地的監禁,但社會對十二港人事件的關注度逐漸下降,因此他們希望透過繪本,再次喚醒港人關注。
Melody 續指,「黃圈」的人對十二港人案都有不同敘述 ,例如說他們都是潛逃,被捕後受到內地法律制裁亦是無可避免,但她希望透過繪本強調,「判刑出咗嚟,好多人都唔記得其實佢哋唔應該被捕,唔應該面對呢一切,佢哋一開始做嘅事都係出於社會不公,佢哋逃亡係對香港司法制度投下不信任一票」。
教育制度無望 工會盼由家長?傳歷史
去年,香港多個界別都面臨政治清算,Melody 說「學校老師因為一張工作紙比人炒,新聞界又面對打壓」。香港正步入寒冬,令 Melody 及 Lorie 覺得繪本更重要。
相關報導:【清算教育】系列
居港廿年外籍教授被迫離港:不捨呢度嘅人、水、島嶼
繪時事漫畫教師不獲續約 難捨學生:想睇住佢哋考好DSE
「黃」師工餘任義務記者 學校針對 翻CCTV尋「罪證」
FB頭像批評警察 教育局發譴責信險DQ教席
小學老師疑被校長逼造假文件 被捕後需寫提前辭職信
Melody說第一本繪本是希望同行的言語治療師可帶回學校與同學說故事, 然而學校監控愈來愈多,「當學校無咗平台畀我哋做,希望家長可以喺屋企教育小朋友。今次想睇家長能否 pick up 呢個責任,例如睡前說故事,比小朋友知道多少少社會發生咩事,明白街上『save 12』咩意思。」
Lorie 說,原本想與區議員合作搞故事班,但疫情關係唯有暫停,他們期望疫情過後,能在社區舉辦故事班,以不同平台,將「真相」傳承。
繪本變禁書 Melody:「無理由政權未畫紅線時我哋就自我滅聲先」
國安法實施後,Melody 坦言他們想「試水溫」,由於印刷方面亦有憂慮,繪本的字眼亦再經修正,免觸犯國安法,但他們沒有放棄製作繪本「國安法後,的確我哋有時唔知道政權條紅線點畫,後期發現只係自己 set 紅線比自己,無理由政權未畫時我哋就自己 set 框框、自我滅聲」。
Lorie 續感慨道:「覺得啱嘅嘢就應該去做,唔好正中政權下懷。」他們續指,現在所做的事都難以衡量成效,「例如送車師咁,唔通送完就唔洗坐監?唔係,但至少可能對在囚人士影響好大。而製作呢本繪本,係希望十二港人知道仲有人記掛住佢哋」。
另外,有黃店曾將繪本擺放到門店讓大家取閱,不過國安法後他們都主動提出希望工會不要將他們的店名放在「實體書取閱名單」上,因為憂慮有「麻煩」。對此,工會都表示理解。
另有家長說有憂慮而不敢帶繪本回家。但 Lorie 認為目前為止,只能「做得幾多得幾多」。
親中媒體批繪本洗腦 工會:其實係無既定答案
一如既往,有關「反送中」繪本的出現,就會再次成為親中人士的「攻擊對象」。有親中媒體批評這本繪本「美化逃犯並洗童腦」。不過 Lorie 強調,其實每次繪本都是開放式結局,「對上嗰本有派畀區議員並同小朋友講故事,其實最後小朋友都有唔同睇法,例如話繼續順從唔反抗嘅都有。其實係無既定答案,唔係洗腦」。
教育局副局長蔡若蓮本周二(1月12日)在立法會教育事務委員會上,指局方有留意相關繪本,指不適合幼稚園及初小學生閱讀,呼籲教師及家長不要使用,直言「要留意是否有掛羊頭賣狗肉的政治宣傳」,並說如有言語治療師借工作作政治宣傳,會嚴肅跟進。
Lorie 回應指,繪本的原意是希望讓家長多一個媒介與小朋友講述十二港人一事,「我哋從來都無強制教育工作者喺學校入面用」。她指出,從教育局的課程改革,例如要求學生接受國安法教育等,明顯是「教育局將政治帶入校園,企圖喺學校作政治宣傳」。
她重申,當教育局不斷設下紅線,就更有賴家長幫忙傳承真相,「教導小朋友成為有良知嘅下一代」。被問到會否憂慮被秋後算帳,她坦言「唔少人都行得前過我哋好多,我哋都無要驚嘅資格」。而且在現今政治氛圍下,「龍門任佢擺,都無得擔心咁多」。
工會功能大減 轉型紮根社會 「做得幾多得幾多 」
言語治療師工會最近剛進行續會程序,Melody 說會員數目下降了近3分1,會員未有續會的原因有好多,例如憂慮國安法下會受牽連,另外現在已難以再進行罷工行動等,因此認為留在工會已沒有作用。
Lorie 說他們都有探討轉型的問題,「傳統工會會主力為同行爭取勞工權益,但其實社會而家面對風風雨雨,仲邊好意思淨係講呢啲勞工權益問題,加上我哋呢行本身算穩定」。目前,他們較關注以言語治療師的身份,在社會上能如何發揮,推動公民社會「希望能扣連專業紮根社會並深耕細作,做得幾多得幾多 」。
8月工會任期即將完結,他們希望再推出繪本。
他們預告,繪本將講述醫護罷工及新冠肺炎,對抗官方或「藍絲」版本的「抗疫之路」。






