立即捐款

運輸

將軍澳線「2+1」- 葫蘆裏賣什麼藥?

將軍澳線「2+1」- 葫蘆裏賣什麼藥?
廣告

廣告

港鐵剛宣布由下週一(8/12)起加密將軍澳線班次,全線繁忙時間運作模式由「3+1」改為「2+1」,即每三班列車有兩班往寶琳,一班往康城。網上隨即有網民擔心新安排等同削減坑口寶琳班次,究竟新安排有何利弊?以下讓我們深入探討......

班次有何變動?

大家最關注必然時班次最新改動。首先要向坑口寶琳街坊保証,2+1 新安排下每小時寶琳車依然維持18班,但班次間距有改動,每2.5/4分鐘一班,呢點稍後再詳細講。至於康城車就由每小時6班增加至8-9班,由10分鐘加密至約7分鐘一班車。

班次為誰而加?

今年三月運輸及房房屋局發表報告,顯示2013年將軍澳線過海段載客率已達100.6%,變相勒令港鐵儘快加密班次提升載客量。由此觀之,今次加班首要係為舒緩過海段迫爆情況,其次才是考慮將軍澳居民的需要。受現有信號系統及寶琳站單月台設計所限,原則上往坑口及寶琳的列車班次已經加無可加,則只能維持每2.5分鐘一班。那麼要應付持續上升的客量,唯一可行方案就是提升康城車繁忙時間過海班次。

2+1有利亦有弊

2+1對將軍澳南居民及過海乘客絕對係好消息,班次密咗減少候車時間,同時稍為舒緩列車擠迫情況。坑口寶琳街坊嚟講,2+1算係有利有弊,雖然最長候車時間由5分鐘縮短至4分鐘,不過遇上康城車的機會亦相應增加,但平均候車時間依然與過往相約。對部分較"失魂"經常搭錯車嘅人嚟講,日後上錯車嘅機會或會增加。

Next Train App

明日(2/12)起Next Train App適用於將軍澳線,日後可以在手機實睇到列車抵站時間,呢樣算係康城居民嘅恩物,官方終於肯公布開車時間,以後可以就啱時間先去地鐵站搭車。 呢個app亦可以俾容易搭錯車嘅乘客作參考,減低上錯車嘅機會。

為賣樓作準備

眾所周知,2+1其中一個大贏家係日出康城。港鐵營運鐵路外亦係一家地產發展商,呢個時候公布2+1正正係為日出康城三期緻藍天賣樓作最後準備,造出「交通配套改善」嘅消息利好樓價。據悉港鐵物業部在籌備2+1事宜時一直參與其中,將軍澳線加密班次關物業部乜事,現在大家明白吧……

總括來說,看似簡單嘅2+1運作背後其實隱藏不少有趣現象,同時亦再次顯示將軍澳過份依賴鐵路運輸。鐵路獨大變相等同陰乾巴士小巴,現時全區只剩兩條日間隧巴線,將軍澳大部分地方更已經冇巴士往港島商業區。冇競爭冇選擇冇進步,大家唯有繼續搭港鐵……

將軍澳主場 Facebook 專頁

廣告