在朋友的xanga中，看見她要交的一份功課題目：
'試就你對中國文化的認識，解釋為何同性戀有歪倫常。'
即刻彈起，whatzzup!?
心諗邊個出題目，資料都錯埋!
即刻覆左以下一段：
'．．．試就你對中國文化的認識，解釋為何同性戀有歪倫常。'
-->呢個講法真係戇居兼無聊
第一，在古中國是沒有恐同意識的，恐同是在19世紀才傳入中國
第二，在古中國，貴族公子同其他男人發生性行為乃係時尚，唔係歪風。
第三，在儒家思想中，根本就沒有反對同性戀。我只要娶個老婆，搞大佢個肚，傳宗接代，咁就盡左男人的責任。你話知我出去同第二個男人搞。
第四，在道家思想中，就強調不能只有剛強或只有陰柔，每個人都係to a certain extent有陽有陰。而且，在魏晉南北朝中，道家思想影響下，男人同男人發生性行為重係一件好型的事。
第五，佛家就唔理你同性定異性，一於講禁慾。但係，你唔好忘記，在你輪迴的過程中，性別可以轉變。你以為你同個異性係埋一齊，其實可以係同性來的。
結論：出題目的人，不認識中國文化
後來，朋友把整條題目打出來，更加嚇人
'斷袖分桃之事在中國古籍早有記載，但一直被中國人認為是有歪倫常。試就你對中國文化的認識，解釋為何同性戀有歪倫常。時至今日，你認為香港政府應否給予同性戀者合法夫婦的地位？提出你的看法。'
她還說是past paper題目
綜觀上題，綜合幾大問題：
1) 基本資料錯誤，如前述。
2) 呢條問題基本上已經預設立場，就係話同性戀有歪倫常。
3) 呢條題目的後半部分，唔使問阿貴都知係點答啦，前面已經引導晒個立場。
結論：考試題目中引導及煽動恐同思想