徐立之，我無辦法唔寫個服字畀你。本來大學發出黎的無聊Email，通常好快會Delete，但係徐立之在2005年5月25日發出黎的Email，我不但無Delete，重急急咁send一個Email去respond（雖然我都知徐立之唔會睇）。
在Email中，徐立之如是說：
......All members of the University, including those Medical Faculty alumni who oppose the naming, are most grateful to Mr Li for his generous support........
徐立之，你都算好野。雖然你係校長，但係你有咩野權去代表晒"All members of the University"，你問過晒所有同學？問過晒所有lecturer？問過晒所有工友？問過晒所有舊生？還是只係問過晒你個University Council那些人？做學生會Ex-co時，都明白到自己係無辦法代表所有人，頂晒籠都係大部分人。我做學生會Ex-co時都唔敢搬"All students of the University"或者"All members of HKUSU"出。徐立之，唔通你係校長你就大x晒，可以強姦晒大學的所有人？
徐立之，你官話比我做學生會Ex-co時還要差，以為說甚麼"The naming has been approved by the Council and endorsed by the Senate."就可以瞞天過海。我做學生會時事秘書時，如果畀同學challenge聲明內容，都要講point回應，都唔敢話呢份聲明無問題，因為佢係由時事委員會發出並經評議會追認。我重知道你所謂Senate追認重係無得唔追認隻咁。大學開會追認最興就係circulation，circulation過，出名就係難oppose的。不過呢個point make到幾核突，都唔夠你老笠All members咁核突！
徐立之，你算老幾！？你夠唔夠膽公開向All members of the University道歉！？