香港大學文學院的架構重整(re-structuring)一事，Acting Dean John Malpas終於出了個Mass Email，「解釋」下點解架構重整同埋「收集下大家意見」。Malpas話現在就有三個方案，亦係將Faculty的departments重整成為四個或者五個或者六個Unit。真係講起就把鬼火。
Malpas話現在文學院唔夠academic staff，所以需要re-structuring。我唔知道Malpas個腦係點用的，呢種諗野方法就真係奇怪上奇怪。如果唔夠人，解決方法應該係請人，唔係re-structuring。如果re-structure做幾個school就可以解決academic staff人數不足問題，咁同殺系有咩野分別？Re-structure可以節省的只有non-academic staff，係無可能節省到academic staff。港大咩Q都鍾意用外國做例子，咁又唔見你好像外國咁，人地D比較文學系閒閒地廿幾三十個academic staff。我知，跟住一定有人會話：學校無咁多錢。呢種講法先係最仆街，港大剛剛先拿了10億捐款，點會無錢？10億裡面畀1億半億文學院請人都唔過份呀！無錢？無你個死人頭！根本就係大學當局唔識點用錢！人地Medic呀，錢多到水浸，文學院就吊緊鹽水，3-4個lecturer撐起左成個department，大學唔諗請人，而諗殺系，係咩野道理？