立即捐款

國際

" Who moved my chest ?"

" Who moved my chest ?"
廣告

廣告

" Who moved my chest ?"

互聯網裡面嘅高人,數目之多,只有立法會裡面嘅廢人有得比,佢地啲腦筋,真係令李懂媽俯首稱臣!

「心口碎大石」見得多,竟然有人諗到「心口賣廣告」。

有時候真係唔能夠唔佩服呢啲奇人異士,計我話,直頭可以明碼實價,36A餐 : 三萬六千八、38C餐 :三萬八千八...拍心口講 : Perfect Match !

無線夾硬將香港變成全球第一個國際城市「電視禁乳溝」,即係想香港世界排名同伊朗看齊,用心惡毒至極!

李懂媽建議亞視開拍《臨終劇》,當然唔係山伯臨終,人地祝英台唔想佢死,但係翡翠台想亞視死好耐。

臨終劇就叫《誰偷走了我的乳樂》,內容諷刺無線吮共吮到上心口,好學唔學,學日本仔篡改歷史。

由盤古初開嗰日起,全人類都知道有奶便是娘,冇奶點叫武媚娘?

仲可以加個英文名" Who moved my chest ?",响國際台無限loop.

唯一需要考慮,係葉家寶點氹范冰冰落搭,不過就算范冰冰唔制,都可以用事業差唔多嘅李冰冰頂,反正連成龍都分唔出邊個打邊個。

之不過,拍完幾時出糧?就要等下一年年初二發叔問下車公。

李懂媽

廣告