七笑上韶關(二)
六時四十分，
德與茶餐廳內忽然散發一種焗餅嘅味道，
D客大都以為係麵包出爐，
冇乜理會，
不過，
如果你夠細心，
就會發覺呢種焗餅味有人肉「除」，
呢種又餅又人肉嘅打亂種，
對於行走東鐵同西鐵嘅老江湖來說，
一聞就知係亦正亦邪，
江湖上號稱「得把死人口」嘅「X餅」老怪身上嘅特殊怪味。
果然，
人隨味至，
X餅已係威係勢咁出現係茶餐廳門口，
左手拖住個行李箱，
右手攞住手提電話，
大聲大氣咁叫：
「喂，你起Q左身未，最Q近係你，你整乜春呀？」，
由於佢有邪風內攝，
氣量驚人，
成間茶餐廳D人俾佢嚇到呆左，
佢睇到咁環境就更得戚，
想再大聲D，
不過就係佢想運氣發聲之際，
就兜頭俾人拍左野，
跟住聽到把女聲：
「細聲D，失禮人！！」
（待續）
七笑上韶關（三）
X餅中左頭獎，
但係連擰轉頭都唔敢，
死死氣對住個手電陰聲細氣講:「我地喺德興茶餐廳等你。」，
跟佳就收左線，
見到佢呢個衰款，
全世界都佑到打佢個死人頭嘅一定係佢位夫人「搓餅玲」，
呢個單憑一手搓餅擒拿手名遍江湖嘅女俠，
爽快率直，
樂於助人，
簡直同佢老公X餅係兩個極端嘅人，
不過姻緣嘅野就係要你估佢唔到，
所謂糥米治木蝨，
X餅一入左搓餅門嘅侯門，
而家已收歛左好多好多，
尤其係搓餅玲皈依左佛教之後，
成日帶埋X餅在江湖做義工，
搞到X餅D戾氣冇哂，
雖然偶然都會發吓"T騰",
但係除左死淨把口，
都冇乜實則行動喇。
最近俾逢幻必破嘅軍曹單挑，
都忍得就忍，
息事寧人，
仲搵左江湖上號稱「喪笑飛花」嘅花花女俠出面幫佢擺和頭酒，
雖然佢都唔敢出席，
不過相對於舊時嚟講，
都已經令人喜出望外，
架喇！
（待續）
七笑上韶關（四）
X餅同搓餅玲入內搵位，
一坐低，
X餅就博命四圍昅，
「又昅女，想整多野吓話？」搓餅玲作勢舉起隻手，
「老婆大大，我邊有昅女呀，我係驚撞到仇家呀！」，
「潮！」搓餅玲都廢事理佢，拎起餐牌搵野食。
說時遲那時快！
潮字個音仲係茶餐廳嘅空間內迴響緊，
佢地對面張卡位就多左個人，
六十上下年紀，
懵閉閉嘅獨有氣質內隱藏一份天生嘅古怪意味，
總之你冇辦法知道呢個人係智障定係神經，
好似而家佢就坐定粒六，
整係口中不停叫：「佛前一丁，五香肉丁，走多。」，
X餅驚魂甫定，
至意識到面前嘅解讀模式，
「挑，佛前一丁大能哂呀，想嚇死人咩。」，
事到如今，
相信大家都一定知到坐者何人，
冇錯喇，
就係江湖上號稱四十載食即食麵食遍天下無敵手嘅「佛前一丁」離奇大佬。
叫佢大佬，
唔係一種尊重，
而係「保你大啦大佬」嘅大佬，
不過，
當一個定義含糊不清嘅稱謂，
叫叫吓就自動偷換左概念，
所以而家好多走江湖嘅初哥都以為佢真係大佬，
咁離奇大佬呢個朵就食屎食著豆啦！
(待續）
七笑上韶關（五）
X餅仲想質兩拳離奇，
搓餅玲把聲又嚮起：
「快D幫佢賣五香肉丁麵走多啦，一陣餓親佢，點同阿嫂交待呀！」，
X餅敢怒不敢言，
拿拿臨就走去排隊賣野食。
喺呢個時候，
離X餅幾人之後，
已出現左一個身形魁梧，
雙眼露出精光面帶從容嘅年青少俠，
佢就係今次「七笑上韶關」嘅召集人同領隊，
江湖上號稱「宿世法器」嘅師父仔，
X餅同師父仔一前一後，
雖然中間隔住左幾條粉嶺粉腸，
但係都難掩佢地嘅獨特身形，
一高一矮，
相映成趣。
而係卡坐嘅另一邊，
亦出現一個身穿紅色風衣嘅英俊青年，
佢雖然衣著尚算入時，
但係全身上下卻散發一種儒生嘅雅宜，
而且眉宇間有一份冷冷的高傲，
彷彿看透人間世情，
不過只要睇定一D,
就會察覺佢嘅眼神內有種不肯定嘅疑情，
有待參透。
呢個一定係江湖上號稱「小生有禮」嘅龍公子。
而同時而來仲有兩個人。
（待續）