D麻甩佬睇見女人冇身材,
就話冇O野睇。
D女睇到麻甩佬尺碼細,
一樣話冇O野睇。
冇O野睇,
係一句好冇禮貌O既說話,
好唔尊重人,
好HURT人,
所以有家教O既人,
應該唔好用咁粗魯O既用字,
真係要表達O既話,
就用「零睇」,
唔好咁直講「冇O野睇」,
佢係一個「零睇」。
幾斯文,
幾有家教!!
一定好過講佢係「冇O野睇」,
話人間屋「冇O野睇」,
不如話:「佢間屋有零睇。」,
話人有,
就好過話人冇,
即係細個去書友仔屋企見到伯母打緊牌,
我地都會好有家教咁大大聲聲咁叫佢做「伯有」,
中國人「有」好過「冇」,
所以下次住想話人間屋「冇O野睇」,
就用「有」,
跟我講一次:「你間屋有零睇。」,
咁就有家教喇。
你睇,
D法師就好有家教喇!!
D道長就好有家教喇!!
D牧師就好有家教喇!!
佛堂D師兄師妹就好有家教喇!!
如果你仲係習慣話人冇O野睇,
呢個壞習慣就要改啦!!
(你唔"善"我"善"公民教育基金忠告全球華人之二)