在黑社會II以和為貴裡，
占美仔不想做社團的話事人，
只想當自主人生的話事人。
他對老叔父大聲疾呼：
「我細個唔想被人蝦至迫住做蠱惑仔啫，
而家我淨係想做生意。
話事人？
你做呀笨！！！」，
這是不是有點耳熟能詳？
「我做呢份工，
不過係跪地餵豬乸，
俾我中左六合彩，
真是睬你都有味！」
「同佢喺一齊，
至在有淡安樂茶飯啫，
唔係一早就鬆人啦！！」，
每個人都發過類似的牢騷，
因為，
我們都有自己的夢想。
然後我們都有一個錯覺，
認為有朝一日，
總是能夠完全自主自己的生命。
我們對此比對任何事物都迷信！
無論你選擇權傾朝野，
或是退出江湖，
你都只不過是想「話哂事」，
「我想個女當律師！」
「個仔當醫生！」
占美仔簡直迷信到病入膏肓。
其實我們何嘗不是？
「眾生無邊誓願渡！」，
「法門無邊誓願學！」，
「地獄不空誓不成佛！」，
人如是！
菩薩如是！
或者，
你辯才無礙，
辯稱這是動力所在，
喂！
大佬，
你真是被積極思想潛力再開發生命成長等思想荼毒至深，
認為凡事都需要有好的願境才能「發力」，
這是個十分壞的習慣！
等於有個蘿蔔綁在你面前你就甘心推磨一樣，
然後你稱此為自主？
這與跪地地餵豬乸有何分別？
冇民主就爭取民主，
因為有了民主就能發力，
就有自主！
占美仔也只不過是這麼想，
叔父怒駁他：
「你邊度呀？
搵錢就識得喺社團搵，
做野就唔想為社團做，
你咪好著數？」，
對，
你邊度架？
天人阿修羅餓鬼還是餓鬼畜牲？
還是淨土彌勒內院？
因緣和合，
無論你個字頭係乜，
因緣都開始左，
如果唔係你都唔會企係呢度。
有因緣，
就有關係網，
點到你話點就點。
去淨土入涅槃，
唔係要一心不亂就係自淨其意，
涅槃，
就是你現在要去的目的地！
占美仔的涅槃是做個正行生意人，
阿樂的涅槃是要淋庄，
為了入涅槃，
殺人放火分屍在所不計，
這就是我們的愚痴！！
到得了涅槃與到不了涅槃，
完來都不能自主，
甚至看著自己的兒子越走越遠，
亦無能為力。
以為入到涅槃，
才發覺涅槃的真相就是折返原地，
這就是倒駕慈航的真相！！
必須再戰！！
極權與民主的涅槃都沒有自主！
要自主，
就是連入涅槃都放棄！
不過，
不是你話事！
占美仔聽到兒子來臨的消息，
別無選擇，
另一個涅槃又在挑逗．．．．．．．．
遠離顛倒夢想究竟涅槃，
談何容易。