下屆特首爭奪戰一觸即發，若論面相，六名熱門人選各有優劣，三位被指是大熱的高官均是中上之相，其中財政司司長唐英年與教統局局長李國章更是六人中呼聲最高，麥玲玲形容：「兩個睇牌面，李國章睇先一個馬鼻。」
唐英年相格唔夠強勢
盛傳是下任特首的六大熱門人選，除唐英年與李國章外，還包括行政會議成員梁振英、政務司司長曾蔭權、貿易發展局主席吳光正及自由黨主席田北俊。
麥玲玲從各人面相逐一推算他們問鼎特首寶座的機會，她指出，曾蔭權的相格算靚，但更上一層樓的機會不大，「佢個相係得嘅，但我睇佢行嘅運係唔會做特首，好老實講，佢分分鐘做埋呢幾年都『起身』㗎啦。」
至於梁振英雖有中央信任的強項，但麥玲玲指他的相格較為寒薄，例如鼻翼位及兩頰不夠承托，不像是一個領導人的面相，故大膽預測他當選的機會不高，「呢個相太薄，我唔會覺得佢擔當到，如果做到（特首）亦係香港嘅不幸。」她強調，「唔係話佢（梁振英）個人唔好，但相薄擔當唔起，擔當唔起會有好多災難性嘅嘢。」
最終視天時地利人和
她稱，領導人與地方的運勢必定互相緊連，人運與地運結合才好，「睇董建華就知，佢忌木火，一行火佢衰，佢衰咪大家一齊衰囉；一行金水，佢有利，咪大家一齊有利，所以莊嘅人個運好重要。」
吳光正在麥玲玲眼中是全無機會，「吳光正堂眉唔得，軍政界一定要堂眉滿，佢堂眉太散太耷，所以好難。」至於「黑馬」田北俊，麥玲玲亦指他的機會不高。
餘下的唐英年及李國章都被她視為呼聲最高的兩大熱，「李國章個相格靚，眼神銳利，法令亦深，有權威性，係大將之材，但上唇薄冲少少，容易講冲唔算數。」至
於唐英年「個相都得」，「佢額頭位同鼻眼都好，耳仔亦算高，但鼻唔夠高、唔夠直，個人唔夠強勢，佢個命決策方面比較弱。」
唐李兩頭「熱馬」中誰較有機會跑出，麥玲玲說，以兩人07年的流年運程而言，「李國章行嘅運數比較接近，兩個睇牌面，都係李國章睇先一個馬鼻。」但她補充，最終仍要視乎天時、地利與人和，而且可能更適合的真命天子還未現身也說不定。
董班子雞年運程
行政長官董建華
大致不俗，雖略有不暢順但未致下台。
政務司司長曾蔭權
健康轉差，有開刀運，工作略有阻滯， 西九計劃或有變。
財政司司長唐英年
運數不錯，但人際關係轉弱，多是非，工作上或較棘手。
律政司司長梁愛詩
健康有少許問題。
政制事務局局長林瑞麟
運勢不差，有升職運。
公務員事務局局長王永平
人事紛爭特別多，况外被人針對。
工商及科技局局長曾俊華
沖太歲，運勢極差，除非有喜事，否則「走得」。
經濟發展及勞工局局長葉澍堃
同樣沖太歲，但影響不大，只會多勞少得。
教育統籌局局長李國章
犯太歲，身體較差，工作不太理想。
環境運輸及工務局局長廖秀冬
運程不差。
財經事務及庫務局局長馬時亨
無問題，平安過渡。
宪生福利及食物局局長周一嶽
今年勝去年，事業運不差。
民政事務局局長何
有人事爭拗，容易受傷，駕車要小心。
房屋及規劃地政局局長孫明揚
有小是非，但有貴人相助，領匯年內可上市。
保安局局長李少光
無事，少做少錯。
成報報導