警務處每年開支百幾億。呢兩個月以嚟，相信大家都明呢百幾億用咗去邊：
1. 買國際公約列為化學武器嘅催淚彈同胡椒噴霧
2. 出糧俾黑警扑市民頭、老屈襲警、光明打鑊、停職袋糧
3. 養真 · 警犬嚇市民，反而嚇親隻狗狗
4. 拍四點鐘許sir
5. 其他恕難盡錄
老老實實呀，百幾億咁撚樣用嚟養埋呢班人渣，分分鐘慘過起大白象工程。如果取消警務處經費，香港人多出嚟嘅錢可以點用？
1. 實施免費幼兒教育！——190億
十五年免費教育講咗咁多年都走數，但幼稚園又越嚟越貴，令到家長叫苦連天。國際建議幼兒教育開支應至少佔GDP1%，即約190億。係多過警犬費少少，不過用在培養下一代，仲要減輕基層同中產負擔，梗係物超所值！
2. 設立低收入在職家庭津貼！——80億
民間爭取低津多年，今年施政報告終於有著落。但政府孤寒到死，又審又查又要人超時工作先肯俾，話每年俾30億出嚟已經皇恩浩蕩。30億同警犬費相比當然唔多。即使用民間方案，80億都只係警犬費一半。應該益邊個？大家明嘅。
3. 回購東西隧！——100億
嚴格嚟講，警犬費係經常性開支，回購東西隧如果真係做，應該計落非經常性開支。但咁就更加顯示咗警犬費高得幾唔合理——買返東西隧，即刻解決紅隧塞到pk嘅狀況；俾錢警犬，咪同你扮清場其實條路仲係塞實晒～
我諗，如果攞晒警務處經費嚟做上述幾樣嘢，市民應該都唔會咁多怨氣。政府亦都唔駛養咁多畜生嚟咬怨氣沖天嘅市民。