飢餓遊戲來到第二集，革命終於要開始了。第一集，睇到人火都來。一個不公平的社會，不人道的制度。人人皆知，但無人出聲，個個安於現狀，只求自己與家人不被抽中，但是無人想過其實可以連抽都唔使抽。
來到第二集，由飾演新遊戲設計師的Seymour Hoffman一出場我就知道，劇情將會逆轉。
其一，當然是因為他那正派磊落的樣子，讓我覺得他應該是有「計謀」的。其二，就是他過份激進的舉動，一次又一次刺激人民情緒。要知道速成革命，除了起義者外，還要有那個「始作俑者」。
本來人民（電影裡的）就像溫水煮蛙。雖有不滿，但程度未夠他們起來造反。但Hoffman就一手開大個火，來個白烚田雞，他們豈能唔跳（站）出來呢，可是革命成功就要流血，13區整個區被滅，女主角最尾強忍着眼淚，再化作復仇的樣子，這一幕看得人血脈沸騰。
我在想，電影的情況熟口熟面。香港地本就是溫水煮蛙，而梁特首上台後，一次又一次激起民怨，我開始懷疑，其實佢係唔係就係Seymour Hoffman，計劃緊革命呢？
轉載自新報